جامبىل وبلىسىندا 2025 جىلعى جازعى دەمالىس ماۋسىمىندا 1–10 سىنىپتا وقيتىن 217 757 وقۋشىنىڭ 193 071-ءى (88,6%) جازعى ساۋىقتىرۋمەن قامتىلدى, دەپ حابارلايدى Egemen.kz.
بالالاردىڭ تىنىعۋىن ۇيىمداستىرۋ ءۇشىن ءار الۋان لاگەر ءتۇرى قاراستىرىلعان. وبلىس اكىمدىگى ءبىلىم باسقارماسىنىڭ باسشىسى نۇربەك ورشىبەكوۆتىڭ ايتۋىنشا, قالا سىرتىنداعى لاگەرلەرگە – 7 673, مەكتەپ جانىنداعى لاگەرلەرگە – 33 607, مەكتەپ الاڭدارىنا – 147 271, كيىز ءۇي جانە شاتىرلى لاگەرلەرگە – 3 505, رەسپۋبليكالىق لاگەرلەرگە – 315 وقۋشى قابىلداندى. سونىمەن قاتار 700 بالا اتا-انالار مەن كاسىپوداقتار ەسەبىنەن دەمالۋعا جىبەرىلەدى.
وبلىستاعى 12 قالا سىرتىنداعى لاگەردىڭ جەتەۋى بيىل جۇمىسىن باستادى. ونىڭ ىشىندە جىل بويى قىزمەت كورسەتەتىن ء«مولدىر بۇلاق» وقۋ-ساۋىقتىرۋ ورتالىعى مەن ماۋسىمدىق مەملەكەتتىك جانە جەكەمەنشىك لاگەرلەر بار. مۇندا الەۋمەتتىك تۇرعىدان وسال توپتاعى بالالارعا باسىمدىق بەرىلگەن. 2 ماۋسىمنان باستاپ 407 مەكتەپ جانىنداعى لاگەر اشىلىپ, 33 607 وقۋشىنى قامتىدى.
بۇدان بولەك, جەتىستىكتەرىمەن ەرەكشەلەنگەن 793 وقۋشى «قازاقستان حالقى» قورىنىڭ قولداۋىمەن قالا سىرتىنداعى لاگەرلەردە دەمالۋدا. 295 وقۋشى «بالداۋرەن» ورتالىعىندا, 20 وقۋشى «بوبەك» ساۋىقتىرۋ ورتالىعىندا جازعى دەمالىسىن ءتيىمدى وتكىزۋدە.
جامبىل وبلىسى