قازاقستان رەسپۋبليكاسى پارلامەنت ءماجىلىسىنىڭ پلەنارلىق وتىرىسىندا مادەنيەت جانە سپورت ءمينيسترى ارىستانبەك مۇحامەدي ۇلى تمد ەلدەرى پارلامەنتارالىق اسسامبلەياسىنىڭ «سودرۋجەستۆو» وردەنىمەن ماراپاتتالدى. پارلامەنتارالىق اسسامبلەيانىڭ قۇرمەت بەلگىسىن ءماجىلىس توراعاسى قابيبوللا جاقىپوۆ تابىس ەتتى, دەپ حابارلادى قازاقستان رەسپۋبليكاسى مادەنيەت جانە سپورت مينيسترلىگىنىڭ ءباسپاسوز قىزمەتى.
پارلامەنتارالىق اسسامبلەيانىڭ جوعارى ماراپاتى قازاقستاندىق ۆەدومستۆونىڭ باسشىسىنا مەملەكەتارالىق ورگاننىڭ قىزمەتىنە بەلسەندى قاتىسۋى, تاۋەلسىز مەملەكەتتەر دوستاستىعى ەلدەرىنىڭ حالىقتارى اراسىنداعى دوستىقتىڭ كۇشەيۋىنە قوسقان ۇلەسى ءۇشىن تابىستالدى.
تمد مەملەكەتتەرىنىڭ پارلامەنتارالىق اسسامبلەياسى ء–وزارا مۇددەلەرگە قاتىستى ماسەلەلەر بويىنشا دوستاستىق ەلدەرى ۇلتتىق پارلامەنتتەرىنىڭ ورتاق ۇسىنىستارىن دايىنداپ,تمد مۇشە-مەملەكەتتەرىنىڭ پارلامەنتتىك ىنتىماقتاستىعىن جۇزەگە اسىراتىن تاۋەلسىز مەملەكەتتەر دوستاستىعىنىڭ مەملەكەتارالىق ورگانى.