مەملەكەت باسشىسىنىڭ قالا مەن اۋدان ورتالىقتارىن عانا ەمەس, شالعاي اۋىلداردى دا كەڭ جولاقتى ينتەرنەتپەن قامتاماسىز ەتۋ جونىندەگى تاپسىرماسى كەزەڭ-كەزەڭىمەن جۇزەگە اسىرىلىپ جاتىر. ايتا كەتسەك, جۋىقتا زايسان اۋدانى, اقارال اۋىلىندا «كار-تەل» جشس-ءنىڭ ۇيالى بايلانىس بازالىق ستانساسى ىسكە قوسىلدى, دەپ جازادى Egemen.kz.
بايلانىس وپەراتورى مەن شىعىس قازاقستان وبلىسى اكىمدىگىنىڭ بىرلەسكەن جۇمىسىنىڭ ناتيجەسىندە اتالعان ەلدى مەكەندە «كار-تەل» وپەراتورىنىڭ جەلىسى جۇمىس ىستەپ تۇر. جوبانىڭ نەگىزگى ماقساتى – اۋىل تۇرعىندارىن ساپالى ءموبيلدى بايلانىسپەن جانە جوعارى جىلدامدىقتى ينتەرنەتپەن قامتاماسىز ەتۋ. بۇل باستاما تسيفرلىق تەڭسىزدىكتى ازايتۋ جانە شالعاي اۋىلدىق ءوڭىر تۇرعىندارى ءۇشىن زاماناۋي تەلەكوممۋنيكاتسيالىق قىزمەتتەردىڭ قولجەتىمدىلىگىن ارتتىرۋ جولىنداعى ماڭىزدى قادام.
«بۇل اۋىلدا 70 جىلدان بەرى تۇرىپ كەلەمىز. بۇرىن بايلانىس بولمادى. ول زاماندا جاي عانا ءۇي تەلەفوندارى بولدى. ال ۇيالى بايلانىس دەگەن مۇلدە قولجەتىمسىز ەدى. قازىر زامان دامىدى, جاڭا تەحنولوگيالار اۋىلعا دا جەتتى. ەندى الىستاعى تۋعان-تۋىستارىمىزبەن ەمىن-ەركىن سويلەسىپ وتىرامىز. بۇرىنعىداي قينالماي, كەز كەلگەن ۋاقىتتا حابارلاسا الاتىنىمىزعا قۋانىشتىمىز» دەسەدى اۋىل تۇرعىندارى.
اقارالداعى جاڭا بايلانىس تەك تەحنولوگيا جەتىستىگى عانا ەمەس, اۋىلدىڭ تىنىسىن كەڭەيتكەن, ادام مەن ادامدى جاقىنداستىرعان يگىلىكتى قادام. بۇل اسىرەسە, بولاشاققا ۇمىتپەن قارايتىن جاستارعا, كاسىپ ىزدەگەن ەڭبەككەرلەرگە جانە كۇن سايىن حالىقپەن جۇمىس ىستەيتىن ۇستازدار مەن دارىگەرلەرگە ۇلكەن دەمەۋ.
شىعىس قازاقستان وبلىسى,
زايسان اۋدانى