قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ پاۆلودار وبلىسى بويىنشا دەپارتامەنتى ايىپپۇلدار ءۇشىن قوسارلانعان تولەم فاكتىلەرىنىڭ جولىن كەستى, دەپ جازادى Egemen.kz.
ەرتىس-بايان وڭىرىندەگى جەكە سوت ورىنداۋشىلارى وبلىس تۇرعىندارىنان قاتە ۇستالعان 85 اتقارۋشىلىق ءىس جۇرگىزۋ بويىنشا 2 ملن تەڭگەنى قايتارىپ بەردى.
- دەپارتامەنت قاداعالاۋ قىزمەتى بارىسىندا ماجبۇرلەپ ورىنداۋعا جولدانعان اكىمشىلىك ايىپپۇلدار بويىنشا قوسارلانعان تولەم فاكتىلەرىنە جول بەرىلگەنىن انىقتادى. مىسالى, بانكتە قوسىمشا ارقىلى اكىمشىلىك ايىپپۇلدى ءوز بەتىنشە تولەگەن پاۆلودار قالاسىنىڭ تۇرعىنىنان (جسو-عا حابارلاماي) بورىشكەردىڭ بانكتىك شوتىنان 36 920 تەڭگە قايتا ۇستالدى. وسىلايشا, ءبىر ايىپپۇل ەكى رەت تولەنگەن,-دەپ حابارلادى قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنەن.
قاداعالاۋ ورگانى اتالعان ماسەلەنى ەرەكشە باقىلاۋعا الدى, اتالعان ءجونسىز دەرەكتەرگە جول بەرمەۋ بويىنشا بارلىق قاجەتتى شارالار قابىلدانۋدا.
پاۆلودار وبلىسى