اقتوبەدە بوس جۇمىس ورىندارى جارمەڭكەسى ءوتتى

شارانى ۇيىمداستىرۋشى — «اقتوبە قالاسىنىڭ مانساپ ورتالىعى» فيليالى.ءىس-شارا بارىسىندا جۇمىسسىز ازاماتتارعا جانە جۇمىس تابۋدا قيىندىق كورىپ جۇرگەن تۇلعالارعا ارنالعان ارنايى بوس جۇمىس ورىندارى جارمەڭكەسى وتكىزىلدى. ولاردىڭ قاتارىندا تۇزەۋ مەكەمەلەرىنەن بوساتىلعاندار, پروباتسيا قىزمەتىنىڭ ەسەبىندە تۇرعاندار جانە اليمەنت تولەۋدەن جالتارۋشىلار بار.جارمەڭكەگە ءوڭىردىڭ 10 ءىرى مەكەمەسى مەن كاسىپورنى قاتىسىپ, ءتۇرلى باعىتتاعى 89 بوس جۇمىس ورنىن ۇسىندى. اتاپ ايتقاندا قر تجم ەسەت باتىر كوكى ۇلى اتىنداعى 20982 اسكەري ءبولىمى, اقتوبە حروم قوسىندىلارى زاۋىتى, قازاقستان مۇناي جابدىقتارى زاۋىتى, «Ramazan Elevator» جشس جانە وزگە دە وندىرىستىك جانە كوممەرتسيالىق ۇيىمدار قاتىستى.

جارمەڭكەدە وپەراتور, فرەزەرشى, توكار, قىتاي ءتىلى اۋدارماشىسى, باعبان, ساپانى باقىلاۋ ينجەنەرى, سمەتالىق ينجەنەر, جۇرگىزۋشى, سلەسار, جۇك تاسۋشى, ايماقتىق ديرەكتور جانە تاعى باسقا لاۋازىمدار ۇسىنىلدى.

سونداي-اق جارمەڭكە اياسىندا حالىقتى جۇمىسپەن قامتۋ ورتالىعىنىڭ وكىلدەرى جۇمىسپەن قامتۋعا جاردەمدەسۋدىڭ بەلسەندى شارالارى بويىنشا اقپاراتتىق-ءتۇسىندىرۋ جۇمىسىن جۇرگىزدى. ازاماتتار قىسقا مەرزىمدى كاسىپتىك وقىتۋ, مەملەكەتتىك قايتارىمسىز گرانت الۋ, سونداي-اق ەلەكتروندى ەڭبەك بيرجاسى www.enbek.kz پورتالىنا تىركەلۋ ماسەلەلەرى بويىنشا جان-جاقتى كەڭەس الدى.

بۇگىندە اتالعان پورتالدا اقتوبە قالاسى بويىنشا 1067 بوس جۇمىس ورنى جاريالانعان. مۇنداي ءىس-شارالار حالىقتى جۇمىسپەن قامتۋعا ىنتالاندىرۋعا, الەۋمەتتىك وسال توپتاردى قولداۋعا جانە قوعامدا ءونىمدى ەڭبەك مادەنيەتىن نىعايتۋعا باعىتتالعان.