وڭدەۋشى ونەركاسىپ وتاندىق شيكىزات ەسەبىنەن دامىپ كەلەدى

ءوز سوزىندە مەملەكەت باسشىسىنىڭ ستراتەگيالىق تاپسىرمالارىن ىسكە اسىرۋ اياسىندا قولعا الىنعان ناقتى قادامدارعا توقتالدى. 2021 جىلى قابىلدانعان «ونەركاسىپتىك ساياسات تۋرالى» قازاقستان رەسپۋبليكاسىنىڭ زاڭى اياسىندا ىشكى نارىقتاعى تاۋار وندىرۋشىلەرگە شيكىزات قولجەتىمدىلىگى ارتتى. اتاپ ايتقاندا, وتاندىق كاسىپورىندار لوندون مەتالل بيرجاسى باعاسىنان 5% تومەن باعادا شيكىزات الۋعا مۇمكىندىك الدى.

ىشكى تاۋار وندىرۋشىلەردى شيكىزاتپەن قامتاماسىز ەتۋ بويىنشا قابىلدانعان ءىس-شارالاردىڭ ناتيجەسىندە 30 جوبا بويىنشا ايتارلىقتاي دايىن ءونىم شىعارۋ كولەمى ۇلعايدى.

2024 جىلى باستاپقى ءاليۋمينيدى قايتا وڭدەۋ 2 ەسەگە ارتىپ, 57 مىڭ توننانى قۇرادى. اعىمداعى جىلى وتاندىق كاسىپورىندارمەن كەلىسىمشارتتارعا قول قويۋدىڭ ناتيجەسىندە ءاليۋمينيدى قايتا وڭدەۋ كورسەتكىشىن 93 مىڭ تونناعا جەتكىزۋ جوسپارلانۋدا. 2029 جىلعا قاراي ءاليۋمينيدى قايتا وڭدەۋدى 163 مىڭ تونناعا دەيىن ۇلعايتۋ كوزدەلىپ وتىر.

مىس وڭدەۋ بويىنشا:

2024 جىلى مىس وڭدەۋ كولەمى 13,2 مىڭ توننانى قۇراپ, 2029 جىلعا دەيىن 91 مىڭ تونناعا دەيىن جەتكىزۋ جوسپارلاندى; 16 وتاندىق كاسىپورىن مىس شيكىزاتىمەن قامتاماسىز ەتىلدى; مىس سىمدار مەن ترانسفورماتور بولشەكتەرى ءوندىرىسى 31%-عا, ال كاتانكا جانە يلەم ءوندىرىسى 29%-عا وسەدى دەپ كۇتىلەدى.

مىرىش وڭدەۋ بويىنشا:

2024 جىلى مىرىشتى ىشكى وڭدەۋ 3,6 مىڭ تونناعا جەتىپ, 2021 جىلمەن سالىستىرعاندا 55%-عا ارتتى; مىرىش نەگىزىندە ەسىك-تەرەزە فۋرنيتۋراسى, جول قورشاۋلارى جانە باسقا ءونىم تۇرلەرىنىڭ ءوندىرىسى ەداۋىر ارتپاق.

قورعاسىن بويىنشا:

بيىل «كاينار اكب» جشس اككۋمۋلياتور ءوندىرىسى ءۇشىن 36 مىڭ توننا قورعاسىنمەن, ال «Asma Industrial» جشس 41 مىڭ توننا كولەمىندە قامتاماسىز ەتىلەدى.

مەملەكەت باسشىسىنىڭ وتاندىق ونەركاسىپتەردى وتاندىق شيكىزاتپەن قامتاماسىز ەتۋ تاپسىرماسى جۇيەلى ءارى قارقىندى ورىندالىپ جاتىر. بۇل شارالار ىشكى نارىقتىڭ قاجەتتىلىگىن تولىق قامتاماسىز ەتۋگە جانە يمپورتقا تاۋەلدىلىكتى ازايتۋعا مۇمكىندىك بەرەدى.