ورال قالاسىندا وتكەن ءداستۇرلى ساداق اتۋدان رەسپۋبليكالىق چەمپيوناتقا شىعىس قازاقستان وبلىسىنىڭ قۇراما كومانداسىنان 10 سپورتشى قاتىسىپ, ايەلدەر اراسىنان جەرلەسىمىز اجار تولەۋحانوۆا ءبىرىنشى ورىندى ەنشىلەدى. جارىستا جالپى سانى 260 سپورتشى باقتارىن سىناعان, دەپ جازادى Egemen.kz.
بارلىق سپورتشى جوعارى دارەجەدە ونەر كورسەتتى. باعى مەن بابى قاتار شاپقان اجار تولەۋحانوۆا ورتا ازيا نىساناسى بويىنشا ايەلدەر اراسىندا 1-ءشى ورىن يەلەندى. ءوزىڭىڭ ۇلتتىق قۇراماداعى ورنىن بەكىتكەن ول الداعى ۋاقىتتا كوپتەگەن بەلەستەردى باعىندىرۋعا دايىن ەكەندىگىن ايتادى.
– مۇنداي جارىسقا اركىم ۇلكەن دايىندىقپەن كەلەدى. سوندىقتان, جەڭىسكە جەتۋ وڭايعا سوقپادى. بارىنشا تىرىستى, تۇعىردان كورىندىك. قولداۋ كورسەتكەن بارشاڭىزعا مىڭ العىس, – دەيدى شىعىستىڭ مەرگەن قىزى.
وسكەمەن