2025 جىلدىڭ باسىنان بەرى ەلىمىزدە يپوتەكالىق باعدارلامالار اياسىندا 11 مىڭنان استام نەسيە بەرىلدى. بۇل تۇرعىن ۇيگە قولجەتىمدىلىكتى ارتتىرۋعا باعىتتالعان مەملەكەتتىك باستامالاردىڭ ناقتى ناتيجەسى. اسىرەسە, الەۋمەتتىك وسال توپتاعى ازاماتتاردى تۇرعىن ۇيمەن قامتاماسىز ەتۋگە باسىمدىق بەرىلىپ جاتىر, دەپ حابارلايدى Egemen.kz.
ونەركاسىپ جانە قۇرىلىس مينيسترلىگى «تاپسىرىس بەرۋشىنىڭ بىرىڭعاي تەرەزەسى» دەپ اتالاتىن جاڭا تسيفرلىق ەكوجۇيەنى ىسكە قوستى. بۇل جۇيە:
قۇرىلىس پروتسەسىن تولىق تسيفرلاندىرادى; egov.kz پلاتفورماسىمەن بىرىكتىرىلەدى; جوبالاۋدان باستاپ نىساندى پايدالانۋعا بەرۋگە دەيىنگى بارلىق كەزەڭدەردى قامتيدى.ۇكىمەتتىڭ مالىمەتىنشە, 2025 جىلدان باستاپ ىسكە قوسىلعان «ناۋرىز» يپوتەكالىق باعدارلاماسى ارقىلى 202 ملرد تەڭگەدەن استام سوماعا 7 746 قارىز بەرىلگەن. باعدارلاما شارتتارىنا سايكەس, الەۋمەتتىك وسال ساناتتاعى ازاماتتار ءۇشىن نەسيە مولشەرلەمەسى 7 پايىزدى, ال قالعان ازاماتتار ءۇشىن 9 پايىزدى قۇرايدى.
سونىمەن قاتار, كوپبالالى جانە الەۋمەتتىك جاعدايى تومەن وتباسىلارعا ارنالعان «باقىتتى وتباسى» باعدارلاماسى جالعاسىپ جاتىر. 2019-2024 جىلدارى بۇل باعدارلاما اياسىندا 7 مىڭنان استام وتباسى باسپانامەن قامتاماسىز ەتىلدى. ال 2025 جىلى تاعى 1 مىڭنان استام وتباسىعا تۇرعىن ءۇي بەرۋ جوسپارلانىپ وتىر.
«2020-2025 جىلدارعا ارنالعان «نۇرلى جەر» باعدارلاماسى تكش-نى دامىتۋدىڭ جۇيەلى ءتاسىلىن قامتاماسىز ەتەدى: جۇمىس باستالعاننان بەرى 2 مىڭنان استام كوپپاتەرلى ءۇي كۇردەلى جوندەۋدەن ءوتتى, تەك 2024 جىلى – 233 نىسان. 2025 جىلعا تاعى 421 ءۇيدى جوندەۋ جوسپارلانعان. مونوقالالار مەن اۋىلدىق اۋماقتاردى دامىتۋعا ەرەكشە كوڭىل بولىنەدى. «وتاۋ», «اسىل مەكەن» جانە «ناۋرىز» باعدارلامالارى جەڭىلدەتىلگەن تۇرعىن ءۇيدى, ونىڭ ىشىندە ەكىنشى نارىقتىدا قاراستىرادى, بۇل اسىرەسە حالقى از وڭىرلەر ءۇشىن ماڭىزدى», دەلىنگەن حابارلامادا.
سونداي-اق, ەلىمىزدە قالالىق ورتانى ساپالى دامىتۋ ماقساتىندا جاڭا قۇجات – «قالالاردى كەشەندى ستاندارتتاۋ» ازىرلەنگەن. بۇل ستاندارتتار قالالاردى جوسپارلاۋ, كولىك ينفراقۇرىلىمى, تۇرعىن ءۇي قۇرىلىسى مەن قوعامدىق كەڭىستىكتەردى جوبالاۋدا بىرىڭعاي تالاپتاردى ەنگىزەدى.