جۇمىسشى ماماندىقتارىن قولدايدى

Eurasian Resources Group (ERG) – تابيعي رەسۋرستاردى ءوندىرىپ, وڭدەيتىن, ەنەرگەتيكا, لوگيستيكا جانە ماركەتينگ سالالارىندا تولىق بىرىكتىرىلگەن, الەمدەگى ەڭ ءىرى كومپانيالاردىڭ ءبىرى. ERG كومپانيالار توبى ازيا, ەۋروپا, افريكا مەن امەريكادا بيزنەس جۇرگىزىپ, ءوز ونىمدەرىن الەمنىڭ 40-تان استام ەلىنە جەتكىزەدى. بۇگىندە ERG كاسىپورىندارىندا 60 مىڭنان استام جۋىق ادام جۇمىس ىستەيدى.

ERG كومپانيالار توبى – ەلىمىزدەگى كوپتەگەن الەۋمەتتىك جوبالاردىڭ دەمەۋشىسى. ERG Skills شەبەرلىك بايقاۋىنىڭ اياسى جىل سايىن كەڭەيىپ,  رەسپۋبليكا وڭىرلەرى بويىنشا كاسىبي مامانداردى دايارلاۋمەن قاتار جۇمىسقا ورنالاسۋعا مۇمكىندىك جاساپ وتىر. شەبەرلىك سايىسى جىلدا ستۋدەنتتەر جانە كومپانيانىڭ جاس ماماندارى اراسىندا ءوتىپ كەلەدى.

بيىل مامىر ايىندا اقتوبە جانە قوستاناي وبلىستارىندا وتكەن ERG Skills كاسىبي شەبەرلىك بايقاۋىنا «قازحروم», سسكوب كاسىپورىندارىنىڭ جاس ماماندارى, ERG مەن كوللەدجدەر اليانسى قۇرامىنداعى كوللەدجدەر ستۋدەنتتەرى قاتىستى.

حرومتاۋ تاۋ-تەحنيكالىق جوعارى كوللەدجى, اقتوبە ونەركاسىپتىك تەحنولوگيالار كوللەدجى جانە اقتوبە جوعارى پوليتەحنيكالىق كوللەدجى 11 قۇزىرەتتىلىك بويىنشا جاس ماماندارعا زاماناۋي شەبەرحانالار مەن زەرتحانالارىن ۇسىندى.

ERG-ءدىڭ قازاقستانداعى باس ديرەكتورى سەرىك شاحاجانوۆ ERG Skills بايقاۋىنا قاتىسۋشىلارعا ساتتىلىك تىلەپ, وندىرىستە كاسىبي شەبەرلىكتىڭ ماڭىزدى ەكەنىنە توقتالىپ, «مەملەكەت باسشىسى بيىلعى جىلدى جۇمىسشى ماماندار جىلى دەپ جاريالاپ, جاستار اراسىنداعى جۇمىسشى كاسىبنىڭ بەدەلىن اتاپ ءوتتى. تەحنولوگيالار دامىعان سايىن ءبىزدىڭ كاسىپورىندارعا تاجىريبەلى ماماندارعا سۇرانىس ارتا بەرەدى. سوندىقتان بايقاۋ الاڭىنداعى تاجىريبە جاس ماماندار ءۇشىن اسا قاجەت», دەپ اتاپ ءوتتى.

جەڭىمپازدار مەن جۇلدەگەرلەر باعالى سىيلىقتارمەن ماراپاتتالىپ, ERG كاسىپورىندارىنا جۇمىسقا قابىلداۋ كەزىندە باسىم كانديداتتاردىڭ تىزىمىنە ەندى. سونىمەن قاتار بيىل ERG Skills تاريحىندا العاش رەت «قازحروم»تۇك» اق باسشىلىعىنىڭ باستاماسىمەن ۇزدىك تاجىريبەلىك داعدىلارى مەن شەبەرلىگىن كورسەتكەن كوللەدجدىڭ 8  ستۋدەنتىنە ءدوڭ تاۋ-كەن بايىتۋ كومبيناتىنا جۇمىسقا شاقىرۋ سەرتيفيكاتتارى تابىستالدى.

بيىل ERG Skills كاسىبي شەبەرلىك بايقاۋىنىڭ ءبىرى پاۆلودار وبلىسىنىڭ اقسۋ قالاسىندا Eurasian Resources Group كاسىپورىندارىنىڭ جاس قىزمەتكەرلەرى مەن كوللەدجدەر اليانسىنا مۇشە وقۋ وردالارىندا ءبىلىم الىپ جۇرگەن جاستار اراسىندا ءۇشىنشى رەت ءوتتى.

قاتىسۋشىلار ERG Skills بايقاۋىندا توكار ءىسى, دانەكەرلەۋ تەحنولوگيالارى, سلەسار, ەڭبەكتى قورعاۋ مەن حيميالىق تالداۋ زەرتحاناشىسى اتالىمدارىندا اقسۋ قارا مەتاللۋرگيا كوللەدجىندە شەبەرلىك سىناقتارىنان ءوتتى.   جۇلدەلى ورىنعا يە بولعان ستۋدەنتتەر ERG كاسىپورىندارىنا جۇمىسقا شاقىرتۋ الدى. 

«بايقاۋ جۇمىسشى ماماندىقتار سالاسىنداعى كاسىبي بىلىكتىلىكتىڭ ەتالونى –  WorldSkills ستاندارتى نەگىزىندە ۇيىمداستىرىلدى. نەگىزگى يدەياسى – جاستار اراسىندا جۇمىسشى ماماندىقتارىنىڭ مارتەبەسىن ارتتىرۋ. بايقاۋدى وتكىزۋ «جۇمىسشى ماماندىقتار» جىلى اياسىندا وزەكتى بولىپ وتىر. بيىل قاتىسۋشىلار سانى بيىل رەكوردتىق مەجەگە جەتتى. باق سىناسقان 55 قاتىسۋشىنىڭ اراسىندا ستۋدەنتتەرمەن قاتار پاۆلودار وڭىرىندەگى كاسىپورىنداردىڭ ماماندارى بار. ERG كاسىپورىندارى ءۇشىن توكار, دانەكەرلەۋ ءىسى, سلەسار, ەڭبەكتى قورعاۋ, زەرتحانا تەحنولوگيالارى باعىتتارى ەرەكشە ماڭىزدى. بۇل بايقاۋ جوعارىدا اتالعان ماماندىقتاردى مەڭگەرگەن مامانداردىڭ كومپانيا ءۇشىن سۇرانىسقا يە ەكەنىن كورسەتتى», دەيدى اقسۋ فەرروقورىتپا زاۋىتىنىڭ ديرەكتورى مۇسابەك ماقاشەۆ.

ستۋدەنتتەر مەن ERG كاسىپورىندارىنىڭ جاس ماماندارى جاياۋ مۇسا اتىنداعى كوپسالالى اقسۋ جوعارى كوللەدجى, ەۋرازيالىق يننوۆاتسيالىق ۋنيۆەرسيتەتى جوعارى كوللەدجى مەن پاۆلودار  ماشينا جاساۋ كوللەدجدەرى بازاسىندا ەلەكترومونتاداۋ, ونەركاسىپتەگى اۆتوماتيكا, قالىپتاۋ ءىسى مەن CAD ينجەنەرلىك گرافيكاسىنان باق سىناستى.

«ERG Skills بايقاۋى – ءبىلىم مەن داعدىلار سىنالىپ, جاس ماماندار مەن ستۋدەنتتەردىڭ تەوريالىق ءبىلىمى مەن قابىلەتى, قارىمى سىنعا تۇسەتىن كاسىبي دودا. ماسەلەن, الدىمەن ارنايى باعدارلامادا فورمانى جوبالايسىڭ دا, كەيىن ونى ءوزىڭ قالىپتاستىراسىڭ. سوندا عانا كاسىپتى تولىق مەڭگەرۋگە بولادى. مەن وسىمەن ءۇشىنشى جىل قاتارىنان ساراپشىلار كومانداسى ساپىندا بايقاۋعا قاتىسۋشىلاردىڭ جۇمىسىن باعالاپ كەلەمىن. قالىپتاۋشىلاردىڭ بىلىكتىلىگى جىلدان-جىلعا ارتىپ كەلەدى. مۇنداي سايىستار ويلاۋ قابىلەتىن, ءتارتىپ پەن تەحنيكالىق سەزىمتالدىقتى دامىتادى. بايقاۋ ماماندىقتى تەك كىتاپ بەتىنەن عانا ەمەس, وقىعانىن تاجىريبەدە كورسەتكىسى كەلەتىن جاس ماماندارعا ۇلكەن باستاما», دەيدى كاسىبي شەبەرلىك بايقاۋىنىڭ ساراپشىسى, ERG Service قۇيۋ ءوندىرىسىنىڭ ينجەنەر-تەحنولوگى يلدار فازىلبەكوۆ.

«قازحروم» تۇك اق اقسۋ فەرروقورىتپا زاۋىتىنىڭ ۋچاسكە باستىعى الەكساندر كونەۆتىڭ ايتۋىنشا, قاتىسۋشىلاردىڭ دەڭگەيى جوعارى. دەگەنمەن ءالى دە شىڭدايتىن تۇستارى بار. ولار الداعى ۋاقىتتا جۇمىس بەرۋشىلەرمەن قاتىم-قاتىناسىن نىعايتا تۇسەتىن بولادى. بارلىق ERG كاسىپورىندارى تەوريا مەن تاجىريبە ۇشتاستىعىنا ەرەكشە ءمان بەرىپ, تاجىريبەلى ماماندار جاستاردى قولداپ, اقىل-كەڭەس بەرىپ وتىرادى.

بيىل قوستاناي وبلىسىنىڭ جىتىقارا جانە ليساكوۆسك قالالارىندا تاۋ-كەن قۇزىرەتتىلىكتەرى بويىنشا وتكەن ERG Skills بايقاۋى وندىرىستەگى زاماناۋي تاجىريبەنى پاش ەتسە, رۋدنىي قالاسىندا وتكەن بايقاۋعا  ERG كومپانيالار توبى كاسىپورىندارىنىڭ جاس قىزمەتكەرلەرى, سونداي-اق كوللەدجدەر اليانسى مەن ERG قۇرامىنداعى رۋدنىي يندۋستريالدى ينستيتۋتى مەن كوللەدج ستۋدەنتتەرى قاتىستى. بايقاۋعا قاتىسۋشىلاردىڭ ارقايسىسى كاسىبي داعدىلارىنىڭ جوعارى ەكەنىن كورسەتتى.

بايقاۋ بارىسىندا ERG تەمىر ديۆيزيونىنىڭ باسشىسى سەرگەي كۋزمەنكو ERG كومپانياسىنىڭ كاسىپورىندارىنا بۇرىنعىدان دا ءتيىمدى جانە باسەكەگە قابىلەتتى جاس كادرلار قاجەتتىگىن اتاپ ءوتتى. «سسكوب ەلەۋلى ستراتەگيالىق جوبالاردى ىسكە اسىرۋدى جوسپارلاپ وتىر. سوندىقتان رۋدنىي جاستارىن وتباسىلىق ءداستۇردى جالعاستىرا وتىرىپ, كاسىپورىنداردىڭ دامۋىنا ۇلەس قوسۋعا شاقىرامىز. سونداي-اق كاسىپتى مەڭگەرگەن جاستارعا قاۋىپسىز ەڭبەك داعدىلارىن ۇيرەتۋگە مۇددەلىمىز. قاۋىپسىزدىك – ERG-ءدىڭ باستى قۇندىلىقتارىنىڭ ءبىرى جانە قاۋىپسىز ەڭبەك جاعدايلارىن جاساۋ باستى ماقساتىمىز» دەيدى ول.

ERG Skills بايقاۋى جىلدا WorldSkills ستاندارتتارى – جۇمىسشى كاسىپتەر سالاسىنداعى كاسىپقويلىق ەتالونى بويىنشا ءوتىپ كەلەدى. بايقاۋعا قاتىسۋشىلار قانداي دا ءبىر قيىندىقتارعا تاپ بولعانىنا قاراماستان, جوعارى كاسىبي بىلىكتىلىگىنىڭ ناتيجەسىندە جەڭىس تۇعىرىنا جەتىپ, ERG كومپانيالارىندا جۇمىس ىستەۋ مۇمكىندىگىنە يە بولىپ كەلەدى.