حالىققا قىزمەت كورسەتۋ ورتالىقتارىنداعى كەزەكتەردى ناقتى ۋاقىت رەجيمىندە باقىلاۋعا مۇمكىندىك بەرەتىن جاڭا تسيفرلىق قىزمەت ىسكە قوسىلادى, دەپ حابارلايدى Egemen.kz.
قازىرگى ۋاقىتتا «حقكو» ءموبيلدى قوسىمشاسى مەن بىرقاتار ناۆيگاتسيالىق سەرۆيستەردە تسيفرلىق تابلونى ەنگىزۋ جۇمىستارى جۇرگىزىلىپ جاتىر. بۇل جۇيە ازاماتتارعا ناقتى ۋاقىتتا ءاربىر بولىمشەنىڭ جۇكتەمەسىن كورۋگە, ساپارلارىن ءتيىمدى جوسپارلاۋعا جانە بوس فيليالداردى تاڭداۋعا مۇمكىندىك بەرەدى. قىزمەت ماۋسىم ايىنىڭ ىشىندە ىسكە قوسىلادى دەپ جوسپارلانعان.
مەملەكەتتىك كورپوراتسيا تاراتقان مالىمەتكە سايكەس, بۇل باستاما حقكو-داعى كەلۋشىلەر لەگىن رەتتەۋگە, ەڭ كوپ جۇكتەمەلى ساعاتتاردا كەزەكتى ازايتۋعا جانە قىزمەت كورسەتۋ ساپاسىن ارتتىرۋعا باعىتتالعان.
«بۇل جاڭاشىلدىق ازاماتتاردىڭ ۋاقىتىن ۇنەمدەۋگە, ىڭعايلى قىزمەت الۋىنا جانە ورتالىقتاردىڭ جۇمىسىن وڭتايلاندىرۋعا سەپتىگىن تيگىزەدى. بولاشاقتا مۇنداي ءتاسىل كەزەكتەردى ازايتىپ, مەملەكەتتىك قىزمەتتەردى الۋ ۇدەرىسىن جەڭىلدەتەدى», دەلىنگەن رەسمي حابارلامادا.