قوناەۆ قالاسىندا جاز بويى ءار اپتا سايىن «Aspan fest» ءان فەستيۆالى ۇيىمداستىرىلادى. جاقىندا فەستيۆالدىڭ العاشقى كونتسەرتى ءوتتى, دەپ جازادى Egemen.kz.
قالا تۇرعىندارى مەن قوناقتارى قاتىسقان كوڭىلدى كەش بارىسىندا قوناەۆ قالاسىنىڭ اكىمى اسحات بەردىحانوۆ «تازا اۋلا» كونكۋرسىنىڭ جەڭىمپازدارىن ماراپاتتادى.
سالتاناتتى شارادا اتالعان كونكۋرسقا بەلسەنە قاتىسىپ, ءوز اۋلاسىن كوز تارتارلىقتاي ەتىپ كوگالداندىرعان تۇرعىندار اراسىندا 3-ورىندى قويشىمانوۆ كوشەسى №6 كوپقاباتتى تۇرعىن ءۇيدىڭ تۇرعىنى ليليا پەترۋشينا يەلەندى. ال 2-ورىن 5-شاعىن اۋدانداعى №56 كوپقاباتتى ءۇيدىڭ تۇرعىنى ابدۋۆالي اسىلبەكوۆكە بۇيىردى, ال 1-ورىندى 3-شاعىن اۋدانداعى №28ب كوپقاباتتى ءۇيدىڭ تۇرعىنى ولگا پوپوۆا جەڭىپ الدى.
قالانىڭ كوركىنە كورىك قوسىپ, تابيعات پەن اۋلانىڭ جاناشىرى اتانعان ازاماتتارعا 100, 200 جانە 300 مىڭنىڭ سەرتيفيكاتتارى تابىس ەتىلدى. بۇل «تازا اۋلا» كونكۋرسىنىڭ العاشقى كەزەڭى. ەرەكشە جارىس ارى قاراي دا جالعاسىن تابادى.
تۇرعىنداردى جۇدىرىقتاي جۇمىلدىرعان «تازا قازاقستان» اكتسياسىنىڭ باستى ماقساتى – تازالىق مادەنيەتىن قالىپتاستارۋ. اتالعان باعىتتاعى جۇمىستار قالا اكىمدىگىمەن جۇيەلى تۇردە جۇرگىزىلۋدە.
الماتى وبلىسى