قازاقستان سپورتشىلارى وتكەن اپتادا سپورتتىق گيمناستيكا, جەڭىل اتلەتيكا جانە تەننيس ويىندارى بويىنشا جارقىن جەڭىستەرگە قول جەتكىزدى, دەپ جازادى Egemen.kz.
سپورتتىق گيمناستيكا: وڭتۇستىك كورەيانىڭ چەچحون قالاسىندا جاسوسپىرىمدەر مەن ەرەسەكتەر اراسىنداعى ازيا چەمپيوناتىندا قازاقستان قۇراماسى ءۇش – التىن, ەكى – كۇمىس, ەكى – قولا, بارلىعى جەتى جۇلدە جەڭىپ الدى.
جەڭىل اتلەتيكا: گرەكيانىڭ حانيا قالاسىندا حالىقارالىق تۋرنيردە بيىكتىككە سەكىرۋدەن ۇلتتىق قۇراما مۇشەسى كريستينا وۆچيننيكوۆا 190 سانتيمەتردى باعىندىرىپ, التىننان القا تاقتى.
تەننيس: قازاقستاننىڭ جۇپتىق سىنداعى ءبىرىنشى, الەمنىڭ 17-راكەتكاسى اننا دانيلينا فرانتسيا اشىق چەمپيوناتىنىڭ ءفيناليسى اتاندى. بۇل – ول ءۇشىن «ۇلكەن دۋلىعا» تۋرنيرلەرىندەگى ءۇشىنشى فينال.