اتىراۋ وبلىسى, قۇلسارى قالاسىندا قايعىلى وقيعا ورىن الدى. 5 ماۋسىم كۇنى كۇندىز, ساعات 12-ءنىڭ شاماسىندا ۇيدەن شىعىپ كەتىپ قايتا ورالماعان قىز بالانىڭ دەنەسى 6-نا قاراعان تۇندە قۇرساي كانالىنان تابىلعان, دەپ جازادى Egemen.kz اتىراۋ وبلىستىق پوليتسيا دەپارتامەنتى ءباسپاسوز قىزمەتىنە سىلتەمە جاساپ.
قىز بالانىڭ اتا-اناسى كەشكى ساعات 21:28-دە پوليتسياعا جۇگىنگەن. جەدەل-ىزدەستىرۋ شارالارى جۇرگىزىلگەنىمەن, وكىنىشكە وراي ءجاسوسپىرىم ءولى كۇيىندە تابىلعان.
كىسى ءولتىرۋ كۇدىگىمەن كۇلسارى قالاسىنىڭ 36 جاستاعى تۇرعىنى جەدەل تۇردە ۇستالدى. ول سوت سانكتسياسىمەن قاماۋعا الىندى.
«مۇنداي اۋىر قىلمىس ءۇشىن ەڭ قاتاڭ جازا قاراستىرىلادى. تەرگەۋ بارىسى وبلىستىق پوليتسيا دەپارتامەنتى باسشىسىنىڭ باقىلاۋىنا الىندى», دەلىنگەن حابارلامادا.
قىلمىستىق ءىس قوزعالىپ, بارلىق ءمان-جايدى انىقتاۋ ءۇشىن تەرگەۋ جۇرگىزىلىپ جاتىر.