اۋىلدا دارىگەرلىك پۋنكت اشىلدى

مەكەمە 1200-دەن استام اۋىل تۇرعىنىنا العاشقى مەديتسينالىق-سانيتارلىق كومەك كورسەتۋگە ارنالعان. قۇرىلىسىنا وبلىستىق بيۋدجەتتەن 220 ملن تەڭگە بولىنگەن. عيماراتقا اۋىزسۋ قۇبىرى مەن كارىز جۇيەلەرى تارتىلعان. نىساننىڭ 15 بولمەسى بار. ولاردىڭ ءىشى فەلدشەرلىك-اكۋشەرلىك پۋنكتكە قاجەتتى قۇرال-جاب­دىقتارمەن تولىقتاي قامتاماسىز ەتىلگەن. 270 شارشى مەتر اۋماقتا ورنالاسقان نىسان 15 ادامعا ءبىر ۋاقىتتا قىزمەت كورسەتە الادى.

«اناليز تاپسىرۋ ءۇشىن ەندى 55 شاقىرىم قاشىقتاعى اۋدان ورتالىعىنا بارۋدىڭ قاجەتى جوق. قاجەت بولعان جاعدايدا قالاداعى اۋرۋحانالارعا جولداما بەرىلەدى. بۇل – پارتيانىڭ شال­عاي اۋىلدارعا مەديتسينالىق كومەكتى جاقىن­داتۋ باعىتىنداعى جۇيەلى جۇمىسىنىڭ ناتيجەسى», دەدى «Amanat» پارتياسى بال­قاش اۋداندىق فيليالىنىڭ توراعاسى مارات نوعايباي.

وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى الىمبەك تاجىكوۆ بۇل تەك ءبىر اۋىلعا ارنالعان جوبا ەمەستىگىن اتاپ ايتتى. مۇنداي مەديتسينالىق مەكەمەلەردى كوبەيتۋ ارقىلى ءوڭىردىڭ بارلىق شالعاي ەلدى مەكەندەرىن دارىگەرلىك كومەكپەن قامتۋ كوزدەلىپ وتىر.

ء«بىز ءۇشىن ءار ازاماتتىڭ زاماناۋي مەديتسينالىق كومەككە قول جەتكىزۋى ماڭىزدى. قازىرگى ۋاقىتتا اۋىلدىق جەرلەردە دەنساۋلىق ساقتاۋ نىساندارىن سالۋ, كۇردەلى جوندەۋ جۇمىستارىن جۇرگىزۋ, كادرلارمەن قامتاماسىز ەتۋ جۇ­مىستارى قالىپتى جۇرگىزىلىپ كەلەدى. بۇگىن اشىلعان فەلدشەرلىك-اكۋشەرلىك پۋنكت وسىنىڭ دالەلى. جىل اياعىنا دەيىن 30-دان استام مەديتسينالىق مەكەمە قولدانىسقا بەرىلەتىن بولادى», دەدى ءا.تاجىكوۆ.

«Amanat» پارتياسى اۋىلعا كەلگەن جاس ماماندارعا 10 ملن تەڭگە كولەمىندە جاردەماقى بەرۋ باستاماسىن كوتەرگەن ەدى. سونىڭ ناتيجەسىندە اسا تاپشى ماماندىق يەلەرىنە 8,5 ملن تەڭگە كولەمىندە ءبىر رەتتىك تولەم بەرۋ قاراستىرىلىپ وتىر. بۇل قولداۋ تەك بەلگىلى ءبىر ماماندىقتارعا عانا تيەسىلى. شارت بويىنشا دارىگەرلەر كەمىندە 5 جىل اۋىلدا جۇمىس ىستەۋگە ءتيىس.

«Amanat» پارتيا­سىنىڭ سايلاۋالدى باعدارلاماسى اياسىندا وڭىردە بيىل 15 دارىگەرلىك امبۋلاتوريا, 12 فەلدشەرلىك-اكۋشەرلىك پۋنكت, 11 مەديتسينالىق پۋنكت سالۋ جوسپارلانعان.

الماتى وبلىسى,

بالقاش اۋدانى