وسى جىلدىڭ باسىنان باستاپ قازاقستاندا كەنە ەنتسەفاليتىنىڭ 17 جاعدايى تىركەلگەن. دەنساۋلىق ساقتاۋ مينيسترلىگى بۇل وتكەن جىلدىڭ سايكەس كەزەڭىمەن سالىستىرعاندا 11 جاعدايعا كوپ ەكەنىن مالىمدەدى, دەپ جازادى Egemen.kz.
ۆەدومستۆو كەنە شاعۋ دەرەگىنىڭ ارتۋىن كۇن رايىنىڭ ەرتە ىسۋىمەن بايلانىستىرىپ وتىر. كەنە ەنتسەفاليتى دەرەگىنىڭ ەڭ كوبى, 6 جاعداي سولتۇستىك قازاقستان وبلىسىندا تىركەلگەن. سونداي-اق, اقمولا وبلىسىندا 4 ادام زارداپ شەككەن, شىعىس قازاقستان وبلىسىندا – 3, الماتى وبلىسىندا – 2 ادام, پاۆلودار وبلىسىندا جانە الماتى قالاسىندا ءبىر-بىردەن ينفەكتسيا جاعدايى انىقتالعان.
قوعامدىق دەنساۋلىق ساقتاۋ سالاسىنىڭ ماماندارى كەنەگە قارسى وڭدەۋدىڭ كوكتەمگى تۋرىن وتكىزگەن. ال 279 قولايسىز ەلدى مەكەندەردىڭ اينالاسىندا سانيتاريالىق قورعاۋ ايماقتارى قۇرىلعان.
كەنە شاعۋىنان ساقتانۋ ءۇشىن مىناداي ەرەجەلەردى ساقتاڭىز: ● دەنەنىڭ جانە كيىمنىڭ اشىق جەرلەرىن وڭدەۋ ءۇشىن رەپەللەنتتەردى قولدانىڭىز;● جابىق كيىم كيىڭىز: ۇزىن جەڭدى جەيدەلەر, شالباردى ش ۇلىققا سالىڭىز, باسىڭىزعا ورامال بايلاڭىز نەمەسە باس كيىم كيىڭىز;● كيىم مەن دەنەنى ۇنەمى تەكسەرىپ وتىرىڭىز;● ەگەر كەنە تابىلسا, دەرەۋ مەديتسينالىق ۇيىمعا حابارلاسىڭىز;● ءوز بەتىنشە الىپ تاستاعان كەزدە اباي بولىڭىز: كەنەنى بىردەن تارتپاڭىز, تۇمسىعىن ج ۇلىپ العاندا - ونى تىكەن سياقتى الىپ تاستاڭىز, كەنە شاققان جەردى يودپەن وڭدەڭىز, ال قولىڭىزدى مۇقيات جۋىڭىز.