الەۋمەتتىك جەلىلەردە مەكتەپ وقۋشىسىنىڭ ولىمىنە قاتىستى ءتۇرلى اقپاراتتار تارالىپ جاتىر. بۇل جايتقا بايلانىستى قىزىلوردا قالاسىنىڭ ءبىلىم ءبولىمى رەسمي تۇسىنىكتەمە بەرىپ, جالعان مالىمەتتەردى تاراتپاۋعا شاقىردى, دەپ حابارلايدى Egemen.kz.
ءبولىمنىڭ حابارلاۋىنشا, قايعىلى وقيعا 2024 جىلعى 28 مامىر كۇنى تاڭعى ساعات 06:20 شاماسىندا بولعان. ءا.ءمۇسىلىموۆ اتىنداعى №101 مەكتەپ-ليتسەيدىڭ 9-سىنىپ وقۋشىسى ءوز ءۇيىنىڭ اۋلاسىندا ءوز-وزىنە قول جۇمساعان.
«وقيعا مەكتەپ قابىرعاسىندا بولعان جوق. قازىرگى تاڭدا قۇقىق قورعاۋ ورگاندارى تاراپىنان ءتيىستى تەرگەپ-تەكسەرۋ جۇمىستارى جۇرگىزىلىپ جاتىر. وسىعان وراي, الەۋمەتتىك جەلى قولدانۋشىلارىن راستالماعان, جالعان اقپارات تاراتپاۋعا شاقىرامىز», دەلىنگەن قىزىلوردا قالاسىنىڭ ءبىلىم ءبولىمى تاراتقان رەسمي مالىمدەمەدە.
قازىرگى ۋاقىتتا مارقۇمنىڭ وتباسىنا قاجەتتى پسيحولوگيالىق جانە الەۋمەتتىك كومەك كورسەتىلىپ جاتىر.