پاۆلودار مۇناي زاۋىتىندا سۋتەگى قوندىرعىسى سالىنادى

پاۆلودار مۇناي-حيميا زاۋىتىنىڭ بازاسىندا بيىل جاڭادان سۋتەگى قوندىرعىسىنىڭ قۇرىلىسى باستالادى. جوبا قىسقى ديزەل وتىنىن ءوندىرۋ ءۇشىن زاۋىتتى سۋتەگىمەن قامتاماسىز ەتۋگە باعىتتالعان.

- 1902 جىلى قۇرىلعان Air Liquide كومپانياسى ونەركاسىپتىك گازدار سالاسىندا الەمدەگى كوشباسشىلاردىڭ ءبىرى بولىپ تابىلادى. ول 73 ەلدە بار جانە Total, ExxonMobil, Shell, BASF, Chevron سياقتى جانە تاعى دا باسقا ءىرى ەنەرگەتيكالىق كورپوراتسيالارمەن سەرىكتەس. قۇنى 101,8 ملن ەۋرو بولاتىن جوبا «جاسىل ءدالىز» مەملەكەتتىك باستاماسى اياسىندا جۇزەگە اسىرىلۋدا. ول جوعارى ەنەرگەتيكالىق تيىمدىلىك پەن شىعارىندىلاردىڭ ەڭ تومەنگى دەڭگەيىن قامتاماسىز ەتەتىن بۋ ريفورمينگ تەحنولوگياسىنا نەگىزدەلگەن,-دەپ حابارلادى پاۆلودار وبلىسىنىڭ اكىمدىگىنەن.

جوبانىڭ ەرەكشەلىگى - Air Liquide ماماندارى ازىرلەگەن بۋتان-بۋتيلەن فراكتسياسىنان سۋتەكتى الۋدىڭ يننوۆاتسيالىق ءادىسى - First of Its Kind بىرەگەي تەحنولوگياسىن ەنگىزۋ. بۇل شەشىم ايماقتاعى تابيعي گازدىڭ شەكتەۋلى قورىنا بايلانىستى قابىلداندى.

جوبانى ىسكە اسىرۋ كەزەڭىندە 192 مامان, پايدالانۋعا بەرىلگەننەن كەيىن 25 تۇراقتى قىزمەتكەر جۇمىس ىستەيتىن بولادى.

پاۆلودار وبلىسى