بيىل ەرتىس-بايان وڭىرىندەگى 22 اۋىلدىق ەلدى مەكەندى دامىتۋعا 9,7 ملرد تەڭگە قاراستىرىلعان, دەپ حابارلايدى Egemen.kz.
«اۋىل - ەل بەسىگى» جوباسىن ىسكە اسىرۋ باستالعاننان بەرى وبلىستا بارلىعى 119 اۋىل جاڭعىرتىلىپ, ءوڭىردىڭ 164 مىڭنان استام تۇرعىنى ءۇشىن ءومىر ءسۇرۋ ساپاسى ارتقان.
- 2025 جىلى 22 اۋىلدىق ەلدى مەكەندى جاڭعىرتۋعا 9,7 ملرد تەڭگە ءبولىندى. 45 جوبا ىسكە اسىرىلۋدا, ونىڭ ىشىندە التى دەنە شىنىقتىرۋ-ساۋىقتىرۋ كەشەنىن, ەكى باسسەين, ەكى مادەنيەت نىسانىن سالۋ, سونداي-اق ءۇش اۋىلدا كوشە جارىعىن ورناتۋ بار. 14 الەۋمەتتىك نىساندى كۇردەلى جوندەۋ, 48 شاقىرىم جولدى جاڭارتۋ جوسپارلانعان. 2026 جىلعا ارنالعان جوبالاۋ-سمەتالىق قۇجاتتامالاردى ازىرلەۋدى اياقتاۋ جانە ينفراقۇرىلىمدىق وزگەرىستەرگە مۇقتاج قالعان ەلدى مەكەندەردى قامتۋ بويىنشا جۇمىستار جاندانىپ جاتىر,-دەپ حابارلادى ءوڭىر اكىمدىگىنەن.
پاۆلودار وبلىسى