شۆەتسياداعى كارولينسكا ينستيتۋتىنىڭ زەرتتەۋشىلەرى ميدىڭ ەرەكشە قابىلەتىن انىقتادى. مي تەرەڭ ۇيقى كەزىندە ارنايى ليمفا جۇيەسى ارقىلى ءوزىن «اقپاراتتىق قالدىقتاردان» تازارتادى.
بۇل ۇدەرىس «گليمفاتيكالىق جۇيە» دەپ اتالادى. ۇيقى كەزىندە مي جاسۋشالارى قۋاتتالىپ, ءبىز تاڭەرتەڭ سەرگەك ويانامىز. سونىمەن قاتار, ميداعى جاڭا اقپاراتتار ەستەلىككە اينالىپ, قاجەتسىز سيناپستار جويىلادى. ياعني مي ءوزىن-ءوزى تازالاپ, قايتا قۇرىلىمدالادى. بۇل ۇدەرىستە التسگەيمەر اۋرۋىمەن بايلانىستى بەتا-اميلويد سەكىلدى اقۋىز شوعىرلارى دا تازارتىلادى. دەمەك ۇيقى – تەك تىنىعۋ ەمەس, ول – ميدىڭ قالپىنا كەلۋ مەن ءوزىن-ءوزى كۇتىپ ۇستاۋ كەزەڭى.
ايىم كۇزەمباي,
ەۇۋ ستۋدەنتى