2026 جىلعى 2 ناۋرىزدا باستالعان ۇلتتىق بىرىڭعاي تەستىلەۋدى (ۇبت) بۇگىنگى كۇنگە دەيىن 117 مىڭنان استام تالاپكەر تاپسىردى. ولاردىڭ 71,6%-ى – تەستىلەۋدى قازاق تىلىندە, 28,3%-ى – ورىس تىلىندە, ال 111 ادام اعىلشىن تىلىندە وتكىزدى, دەپ حابارلايدى Egemen.kz.
ءۇشىنشى اپتانىڭ قورىتىندىسى بويىنشا تالاپكەرلەردىڭ 67,11%-ى شەكتى بالل جيناعان. بەس ءپان بويىنشا ورتاشا بالل 63 بالدى قۇرادى. ەڭ جوعارى ناتيجە – 139 بالل.
ەرەكشە ءبىلىم بەرۋ قاجەتتىلىكتەرى بار وقۋعا تۇسۋشىلەر ءۇشىن ارنايى جاعدايلار جاسالعان, سونىڭ ارقاسىندا ۇبت-عا 283 تالاپكەر قاتىستى.
تالاپكەرلەر تەست تاپسىرمالارىن ورىنداعاننان كەيىن 30 مينۋت ىشىندە اپەللياتسيا بەرۋگە قۇقىلى. تەحنيكالىق سەبەپتەر بويىنشا اپەللياتسيا تىكەلەي تەستىلەۋ كەزىندە دە قابىلدانادى. اپەللياتسيا قارالعان سوڭ, ناتيجەلەرى بار سەرتيفيكاتتار جەكە كابينەتتەردە قولجەتىمدى بولادى.
ناۋرىزداعى ۇبت: سەمەيلىك وقۋشى ەراسىل سايلاۋوۆ 140 بالل جينادى
ءۇشىنشى اپتادا 179 ەرەجە بۇزۋشىلىق انىقتالدى. ونىڭ ىشىندە 97 تالاپكەر سمارتفون, شپارگالكا جانە باسقا دا تىيىم سالىنعان زاتتاردى الىپ كىرمەك بولعانى ءۇشىن تەستىلەۋدەن شەتتەتىلدى. تاعى 82 ادام تەست كەزىندە ەرەجەنى بۇزعانى ءۇشىن اۋديتوريادان شىعارىلىپ, ولاردىڭ ناتيجەلەرى جويىلدى. وزگە ادامداردىڭ ورنىنا كىرۋ فاكتىلەرى انىقتالعان جوق.
2026 جىلعى ۇبت اياقتالعاننان كەيىن كۇنتىزبەلىك جىلدىڭ 31 قازانىنا دەيىن بەينەجازبالارعا تالداۋ جۇرگىزىلەدى. ەگەر تىيىم سالىنعان زاتتاردى پايدالانۋ نەمەسە ەرەجەنى بۇزۋ فاكتىلەرى انىقتالسا, ۇبت ناتيجەلەرى جويىلادى.
ناۋرىزداعى ۇبت: 117 تالاپكەردىڭ ناتيجەسى جويىلدى
ەستەرىڭىزگە سالا كەتەيىك, تەستىلەۋگە قاتىسۋعا شامامەن 184 مىڭ ءوتىنىش تۇسكەن.