الەمنىڭ ەكىنشى راكەتكاسى اتانعان وتانداسىمىز, تەننيسشى ەلەنا رىباكينا ماياميدە ءوتىپ جاتقان WTA 1000 ساناتىنداعى بەدەلدى ءتۋرنيردىڭ فينالىنا شىعا المادى, دەپ جازادى Egemen.kz.
جارتىلاي فينالدا ەلەنا رىباكينا الەمنىڭ ءبىرىنشى راكەتكاسى, بەلارۋس وكىلى ارينا سوبولەنكوعا ەكى سەتتە ەسە جىبەردى – 4:6, 3:6. بۇل – قوس تەننيسشىنىڭ ءوزارا 17-ءشى كەزدەسۋى. وسىلايشا, جەكە كەزدەسۋلەردەگى جالپى ەسەپ 10:7 بولىپ, سوبولەنكونىڭ پايداسىنا شەشىلدى.
ال Miami Open ءتۋرنيرىنىڭ ەكىنشى جارتىلاي فينالىندا امەريكالىق تەننيسشى كوري گاۋفف چەحيالىق كارولينا مۋحوۆانى ايقىن باسىمدىقپەن ۇتتى – 6:1, 6:1. ناتيجەسىندە, تۋرنير فينالىندا گاۋفف پەن سوبولەنكو چەمپيوندىق اتاقتى ساراپقا سالادى.
ەلەنا رىباكينانىڭ 20 جەتىستىگى
ماياميدەگى ءساتتى ونەرىنەن كەيىن كوري گاۋفف WTA رەيتينگىندە ءۇشىنشى ورىنعا كوتەرىلىپ, بۇل پوزيتسيادان پولشالىق يگا شۆيونتەكتى ىعىستىرماق.
ەلەنا رىباكينا دۋبايداعى WTA 1000 ءتۋرنيرىن ەرتە اياقتاۋعا ءماجبۇر بولدى