2025 جىلدىڭ سوڭىنا قاراي كاسپي تەڭىزىندە اقتاۋدان ماحاچكالاعا دەيىن كرۋيزدىك لاينەر قاتىناسى قولعا الىنادى, دەپ حابارلايدى Egemen.kz
قازاقستاننىڭ تۋريزم جانە سپورت مينيسترلىگىنە قاراستى تۋريزم يندۋسترياسى كوميتەتىنىڭ مالىمەتىنشە, ماڭعىستاۋ وبلىسى كرۋيزدىك ءتۋريزمدى دامىتۋدا زور الەۋەتكە يە. وسى باعىتتا اقتاۋ مەن قۇرىق پورتى ارالىعىنداعى كاسپي تەڭىزىنىڭ جاعالاۋىندا تەڭىز كۋرورتتارى مەن جاعاجاي دەمالىسىن دامىتۋ جوسپارلانعان. بۇل ءۇشىن جاڭا نىساندار – قوناقۇيلەر مەن تاقىرىپتىق ويىن-ساۋىق ساياباقتارى سالىنادى.
جوسپار بويىنشا رەسەيلىك كرۋيزدىك لاينەر ىسكە قوسىلادى. ول «سۋداعى بەس جۇلدىزدى قوناقۇيلەر» تۇجىرىمداماسىنا ساي كەلەدى. كرۋيز مارشرۋتىنا اقتاۋ (قازاقستان), استراحان جانە ماحاچكالا (رەسەي), تۇرىكمەنباشى (تۇرىكمەنستان), اميروباد, نوۋشەحر جانە ەنزەلي (يران), سونداي-اق باكۋ ء(ازىربايجان) پورتتارى كىرەدى.
جىل سوڭىنا دەيىن كرۋيزدىك كەمە پايدالانۋعا بەرىلگەننەن كەيىن العاشقى سىناق ساپارىنا شىعادى.
سونىمەن قاتار, تەڭىز كرۋيزدەرىن ۇيىمداستىرۋ بويىنشا جاعالاۋداعى ەلدەرمەن قۇجاتتار جوبالارى ازىرلەنىپ جاتىر. 2020 جىلى باستالعان ازەربايجانمەن كەلىسىم جانە 2019 جىلى باستالعان يرانمەن كەلىسىم جوبالارى بار. قازىرگى ۋاقىتتا باسقا كاسپي ماڭى ەلدەرىنىڭ ۇستانىمدارى كۇتىلۋدە.
تۋريزم كوميتەتىنىڭ حابارلاۋىنشا, بۇل جوبالار جەكە ينۆەستيتسيالار ەسەبىنەن جۇزەگە اسىرىلادى, مەملەكەتتىك بيۋدجەتتەن قارجى بولىنبەيدى.
ارايلىم مىرزاحان, ەۇۋ ستۋدەنتى