قازاقستاننىڭ سەگىز وڭىرىندە شاعىن ونەركاسىپتىك ايماقتاردى ء(شوا) دامىتۋعا 46,6 ميلليارد تەڭگە ءبولىندى. بۇل تۋرالى ۇكىمەت وتىرىسىندا ونەركاسىپ جانە قۇرىلىس ءمينيسترى ەرسايىن ناعاسپاەۆ ايتتى, دەپ حابارلايدى Egemen.kz.
ءمينيستردىڭ ايتۋىنشا, بۇل باعدارلاما وتاندىق ءوندىرىستى قولداۋدىڭ جانە وڭىرلەرگە ينۆەستيتسيا تارتۋدىڭ ماڭىزدى قۇرالىنا اينالىپ وتىر. ءشوا جوباسى بىلتىر باستالعان جانە شاعىن مەن ورتا بيزنەستى قولداۋعا باعىتتالعان.
«قازىرگى تاڭدا استانا, شىمكەنت قالالارى مەن جامبىل, قاراعاندى, قوستاناي, قىزىلوردا, سولتۇستىك قازاقستان جانە تۇركىستان وبلىستارىندا جالپى اۋدانى 200 مىڭ شارشى مەتردەن اساتىن 34 ءشوا ىسكە اسىرىلىپ جاتىر», دەدى ەرسايىن ناگاسپاەۆ.
ايتا كەتەيىك, بيزنەس تاراپىنان باعدارلاماعا سۇرانىس جوعارى بولعاندىقتان, قوسىمشا قارجى ءبولۋ ماسەلەسى قاراستىرىلىپ جاتىر.