اتالعان وبلىس اۋماعىندا شەگىرتكە زيانكەستەرىنە قارسى قورعاۋ شارالارى 14 مامىردان باستالىپ, ناۋقان جالعاسىپ جاتىر, دەپ حابارلايدى Egemen.kz.
شارالار بەكىتىلگەن جوسپارعا سايكەس, اۆياتسيالىق, جەرۇستى تەحنيكاسى مەن درونداردى تارتا وتىرىپ جۇزەگە اسىرىلىپ جاتىر. بۇگىنگە دەيىن 330 مىڭ گەكتاردان استام اۋماقتا مونيتورينگ جۇرگىزىلىپ, 27 مىڭ گەكتاردان اسا جەرگە حيميالىق وڭدەۋ جاسالعان. اتالعان جۇمىستاردى سالالىق ۆەدومستۆولار مەن مەردىگەر ۇيىمدار ۇيلەستىرىپ وتىر.
اۋىل شارۋاشىلىعى مينيسترلىگىنىڭ ءباسپاسوز قىزمەتىنىڭ مالىمدەۋىنشە وبلىس اكىمى مارات سۇلتانعازيەۆ شەڭگەلدى اۋىلدىق وكرۋگىندە كوشپەلى كەڭەس وتكىزىپ, ناۋقان بارىسىمەن جەكە تانىستى. مەردىگەر ۇيىمداردىڭ وكىلدەرى مەن اۋىل شارۋاشىلىعى سالاسىنىڭ ماماندارىنا ۆەدومستۆوارالىق ءوزارا ءىس-قيمىلدى كۇشەيتۋ, حيميالىق قورعانىس قۇرالدارىمەن ۇزدىكسىز قامتاماسىز ەتۋ, زيانكەستەردىڭ جاڭا وشاقتارى انىقتالعان جاعدايدا جەدەل ارەكەت ەتۋ تاپسىرىلعان.