ىشكى ىستەر ءمينيسترىنىڭ ءبىرىنشى ورىنباسارى باۋىرجان الەنوۆتىڭ توراعالىعىمەن ءوڭىردىڭ پوليتسيا دەپارتامەنتىندە «قاراسورا-2025» جەدەل-پروفيلاكتيكالىق ءىس-شاراسىنىڭ رەسمي اشىلۋى ءوتىپ, وعان ءىىم ەسىرتكى قىلمىسىنا قارسى ءىس-قيمىل كوميتەتىنىڭ باسشىلىعى, دەپارتامەنتتىڭ جەدەل قۇرىلىم قىزمەتكەرلەرى جانە قۇقىق بۇزۋشىلىقتىڭ الدىن الۋعا باعىتتالعان كەڭەستىڭ مۇشەلەرى قاتىستى, دەپ حابارلايدى Egemen.kz.
اۋقىمدى ءىس-شاراعا ارنايى تەحنيكا, دروندار جانە تىكۇشاقتار تارتىلىپ, وڭىردە 18 موبيلدىك توپ قۇرىلدى جانە رەسپۋبليكالىق ماڭىزى بار اۆتوجولداردا ەكى باقىلاۋ-وتكىزۋ بەكەتى ورناتىلدى.
«پوليتسيا دەپارتامەنتى باستىعىنىڭ مىندەتىن اتقارۋشى قۇرمانبەك ساحوۆتىڭ مالىمدەۋىنشە, زاڭسىز اينالىمنان 200 كەلىگە جۋىق ءتۇرلى ەسىرتكى تاركىلەنىپ, ەكى بىردەي فيتوزەرتحانانىڭ قىزمەتى توقتاتىلعان. سونداي-اق قر ءىىم وكىلدەرى حالىقارالىق قازاق-تۇرىك ۋنيۆەرسيتەتى مەن ياسسى كوللەدجىنىڭ ستۋدەنتتەرىمەن كەزدەسىپ, ەسىرتكىنىڭ اعزاعا زيانى مەن قىلمىستىق جاۋاپكەرشىلىك تۋرالى ءتۇسىندىرۋ جۇمىستارىن جۇرگىزدى», دەپ حابارلادى Polisia.kz سايتى.
سونداي-اق, ۆەدومستۆوارالىق شتاب پەن ىنتىماقتاستىق جونىندەگى كەڭەستىڭ ماجىلىستەرى وتكىزىلىپ, اتقارىلعان جۇمىستار قورىتىندىلانىپ, الداعى مىندەتتەر ناقتىلاندى.