وڭىردە كرەاتيۆتى يندۋستريانى دامىتۋعا باعىتتالعان ماڭىزدى جۇمىستار اتقارىلىپ جاتىر. تاراز قالاسىندا وڭىردەگى العاشقى اۋقىمدى شىعارماشىلىق الاڭ «قولونەرشىلەر ءۇيى» ءوز جۇمىسىن باستادى, دەپ حابارلايدى Egemen.kz.
سالتاناتتى ءىس-شاراعا قاتىسقان ءوڭىر باسشىسىنىڭ ورىنباسارى سەرىك سالەموۆ, «الماتى قولونەر پالاتاسى» قوعامدىق قورىنىڭ ۆيتسە-پرەزيدەنتى دامەلى جاناشەۆا جانە دۇنيەجۇزىلىك قولونەرشىلەر كەڭەسىنىڭ ازيا-تىنىق مۇحيتى بويىنشا ۆيتسە-پرەزيدەنتى, «Aspara Fashion Week» حالىقارالىق ءسان اپتالىعىنىڭ پرەزيدەنتى ايدارحان قاليەۆ «قولونەرشىلەر ءۇيى» حابىنىڭ لەنتاسىن قيدى.
حابتىڭ اشىلۋى – مەملەكەت باسشىسى قاسىم-جومارت توقاەۆتىڭ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى جولداۋى اياسىندا جۇزەگە اسىرىلىپ جاتقان كرەاتيۆتى يندۋستريانى قولداۋ ساياساتىنىڭ ناقتى كورىنىسى.
«قولونەرشىلەر ءۇيى» 190-عا جۋىق شەبەردىڭ باسىن قوسىپ, ولاردىڭ كاسىبىن دامىتۋعا, ونىمدەرىن نارىققا شىعارۋعا جانە تاجىريبە الماسۋعا مۇمكىندىك بەرەدى. جاڭا ورتالىق جامبىل وڭىرىندە كرەاتيۆتى كاسىپكەرلىكتى, ۇلتتىق قولونەردى جانە جاستار شىعارماشىلىعىن قولدايتىن جاڭا ورتالىق بولماق.