اقتاۋ گارنيزونىندا سۇڭگۋىرلىك دايارلىق بويىنشا وقۋ-ادىستەمەلىك جينالىس تابىستى اياقتالدى. بۇل شاراعا بارلىعى 15 ادام قاتىستى, ونىڭ ىشىندە كەمەنىڭ شتاتتان تىس سۇڭگۋىرلەرى دە بولدى, دەپ جازادى Egemen.kz.
تەوريالىق بولىمدە سۇڭگۋىر ءتۇسىرۋدىڭ فيزيكالىق جانە فيزيولوگيالىق نەگىزدەرى, سۇڭگۋىر مەديتسيناسى, جابدىقتار مەن ءتۇسىرۋدى ۇيىمداستىرۋ تاسىلدەرى قاراستىرىلدى. پراكتيكالىق ساباقتاردا سۇڭگۋىر جابدىقتارىن پايدالانۋ, قۇتقارۋ وپەراتسيالارى جانە سۋ استىنداعى توتەنشە جاعدايلاردان شىعۋ داعدىلارى جەتىلدىرىلدى.
تاجىريبەلى نۇسقاۋشىلاردىڭ باسشىلىعىمەن جەكە قۇرام ءارتۇرلى تەرەڭدىكتەرگە سۇڭگۋىرلەر ءتۇسىرىپ, كەمەلەردىڭ سۋ استى بولىكتەرىنىڭ زاقىمدانۋ ىقتيمالدىعىن تەكسەردى. ءىس-شارا بارىسىندا ارنايى تاپسىرمالاردى ورىنداۋ كەزىندە قاۋىپسىزدىك ەرەجەلەرى مەن ءىس-قيمىلداردى ۇيلەستىرۋگە ەرەكشە كوڭىل ءبولىندى.
ءىس-شارا جەتەكشىسى كاپيتان-لەيتەنانت سايران ابدىكارىموۆ سۇڭگۋىرلەردىڭ سۋ استىندا ارنايى مىندەتتەردى ورىنداۋعا ءاردايىم دايىن بولۋى ءتيىس ەكەنىن ايتتى.
– ءاربىر سۇڭگۋىر جاراقتار مەن قۇرالداردى تولىق مەڭگەرىپ, سۋ استىندا ساۋاتتى ارەكەت جاساپ, كەمەنىڭ سۇڭگۋىر توبى قۇرامىندا ءتيىمدى ءوزارا ارەكەت ەتە ءبىلۋى كەرەك, – دەدى ول.
اسكەري قىزمەتكەرلەر سۇڭگۋىر جابدىقتارىنىڭ تەحنيكالىق جانە ماتەريالدىق قۇرامىن زەرتتەپ, سىناقتاردان ءساتتى ءوتىپ, ارنايى قۇرالدى قولدانۋعا رۇقسات الدى.
ايتا كەتۋ كەرەك, اسكەري-تەڭىز كۇشتەرىندە سۇڭگۋىر دايىندىعى ۇنەمى جۇرگىزىلەدى.
داميرا تولەگەن
ەۇۋ ستۋدەنتى