ەكولوگيا جانە تابيعي رەسۋرستار مينيسترلىگىنە قاراستى «بوكەيوردا» مەملەكەتتىك تابيعي رەزەرۆاتى رمم-ءنىڭ باس ديرەكتورى جەمقورلىق دەرەگى بويىنشا كۇدىككە ءىلىندى, دەپ حابارلايدى Egemen.kz سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتىنە سىلتەمە جاساپ.
تەرگەۋ دەرەكتەرىنە سايكەس, كۇدىكتى رەزەرۆاتتا ناقتى جۇمىس ىستەمەگەن تۇلعاعا زاڭسىز تۇردە جالاقى تاعايىنداپ, ءىرى كولەمدە بيۋدجەت قاراجاتىن جىمقىرعان.
كۇدىكتى سوتتىڭ سانكتسياسىمەن قاماۋعا الىنعان. قازىرگى تاڭدا قۇقىق قورعاۋ ورگاندارى ونىڭ وزگە دە ىقتيمال قىلمىستىق ارەكەتتەرگە قاتىسى بار-جوعىن تەكسەرىپ جاتىر.