جۇمىسشى ماماندىقتار جىلىنا ارنالعان شەرۋ باعىتى شىعىس قازاقستان, اباي, پاۆلودار وبلىستارى مەن استانا قالاسىن جانە اقمولا, قوستاناي, اقتوبە, باتىس قازاقستان وبلىستارىن, ياعني سەگىز ءوڭىردى قامتىپ وتەدى, دەپ جازادى Egemen.kz.
بۇگىن وسكەمەن قالاسىندا تاۋەلسىزدىك مونۋمەنتى جانىندا اتالعان ءىس-شارانىڭ سالتاناتتى اشىلۋ ءراسىمى ءوتىپ, وعان شىعىس قازاقستان وبلىسى اكىمىنىڭ ورىنباسارى ەربول نۇرعاليەۆ, دەنە شىنىقتىرۋ جانە سپورت سالاسى وكىلدەرى, كوللەدج وقىتۋشىلارى مەن ستۋدەنتتەرى قاتىستى.
جۇمىسشى ماماندىقتاردى ناسيحاتتاۋ ءارى سالاۋاتتى ءومىر سالتىن دارىپتەۋ ماقساتىندا ۇيىمداستىرىلعان شەرۋگە 236 ۆەلوشاباندوز جانە وسكەمەندەگى تەحنيكالىق جانە كاسىپتىك ءبىلىم بەرۋ ۇيىمدارىنىڭ 200-دەن استام ستۋدەنتى قاتىسىپ جاتىر.
اتالعان ۆەلوشەرۋ 8 ماۋسىمدا اياقتالادى.