ۇلىتاۋ وبلىسىنىڭ جاڭاارقا اۋدانى ورتالىعىندا ورازالى جۇمابەكوۆ اتىنداعى تىرەك مەكتەبىندە «جاس ساقشى» كادەت سىنىبى اشىلدى. سىنىپقا قىزمەتتىك بورىشىن وتەۋ كەزىندە ەرلىكپەن قازا تاپقان پوليتسيا كاپيتانى ساكەن سالتانات ۇلى ءاشىموۆتىڭ ەسىمى بەرىلدى, دەپ حابارلايدى Egemen.kz.
ءىس-شاراعا اۋدان اكىمى قانات قوجىقاەۆ, اۋداندىق ءماسليحات توراعاسى يۋرجان بەكقوجين, وبلىستىق پوليتسيا دەپارتامەنتىنىڭ باسشىلىعى مەن ورىنباسارلارى, اۋدان پروكۋرورى, ىشكى ىستەر ورگاندارىنىڭ ارداگەرلەرى قاتىستى.
كادەت سىنىبى اۋدان مەكتەپتەرىندە العاش رەت اشىلىپ وتىر. جوبا اياسىندا وقۋشىلارعا ارنايى پوليتسەيلىك ۇلگىدەگى فورمالىق كيىمدەر تىگىلدى. وقۋ كابينەتى زاماناۋي كورنەكى قۇرالدارمەن جانە قاجەتتى تەحنيكالىق جابدىقتارمەن تولىق قامتاماسىز ەتىلدى.
بۇل باستاما وسكەلەڭ ۇرپاققا اسكەري-پاتريوتتىق تاربيە بەرۋ, قۇقىقتىق ساۋاتتىلىقتى ارتتىرۋ جانە بولاشاق كاسىبي باعدار بەرۋگە باعىتتالعان. كادەت سىنىبى وقۋشىلاردىڭ ىشكى ىستەر ورگاندارى قىزمەتىمەن جاقىنىراق تانىسۋىنا, ازاماتتىق جاۋاپكەرشىلىكتى بويلارىنا سىڭىرۋىنە ىقپال ەتەدى.
ۇلىتاۋ وبلىسى