تۇپ-تۋرا 101 جىل بۇرىن قازاق ارحەولوگياسىنىڭ اتاسى اتانعان عالىم, «التىن ادامدى» العاش تاپقان ارحەولوگ, قازاقستان مەملەكەتتىك سىيلىعىنىڭ لاۋرەاتى, تاريح عىلىمدارىنىڭ دوكتورى, پروفەسسور, قازاقستان عىلىمىنا ەڭبەگى سىڭگەن قايراتكەر كەمەل اقىشەۆ دۇنيەگە كەلدى, دەپ حابارلايدى Egemen.kz.
ول قازاق ارحەولوگيا عىلىمىنىڭ قالىپتاسۋىنا ەلەۋلى ۇلەس قوسقان تۇلعالاردىڭ ءبىرى. 1924 جىلى باياناۋىلدا دۇنيەگە كەلگەن بولاشاق عالىم مايدان شەبىنەن عىلىم جولىنا بەت بۇرىپ, كونە عاسىرلار قۇپياسىن اشۋعا عۇمىرىن ارنادى. كەمەل اقىشەۆ – ەسىك قورعانىنان تابىلعان «التىن ادام» ارقىلى الەمگە تانىلعان ارحەولوگ.
سونداي- اق ول بەسشاتىر, وتىرار, شىلىكتى سىندى ەجەلگى ەسكەرتكىشتەردى زەرتتەگەن. ەرتە تەمىر ءداۋىرىنىڭ مادەني مۇراسىن تەرەڭ تالداپ, قازاقستان تاريحىنىڭ عىلىمي نەگىزىن قالادى.
ول 2000 جىلى ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىندە ارحەولوگيالىق رەكونسترۋكتسيا لابوراتورياسىن قۇردى. عىلىمعا سىڭىرگەن ەڭبەگى ءۇشىن مەملەكەت سىيلىعىنىڭ لاۋرەاتى, «پاراسات» وردەنىنىڭ يەگەرى اتاندى.
قازىرگى تاڭدا ەلوردادا ورنالاسقان №69 مەكتەپ- گيمنازياسى كەمەل اقىشەۆ ەسىمىمەن اتالادى.
ارايلىم مىرزاحان, ەۇۋ 2 كۋرس ستۋدەنتى