ەندى قازاقستاندىقتاردىڭ وزبەكستانعا جەكە كۋالىكپەن كىرۋلەرىنە رۇقسات بەرىلەدى. بۇل تۋرالى وزبەكستان سىرتقى ىستەر مينيسترلىگى مالىمدەدى. وزبەكستان پرەزيدەنتىنىڭ جارلىعىنا سايكەس, بۇل ماسەلە بويىنشا كەلىسسوزدەر 3 اي ىشىندە باستالۋى كەرەك, دەپ جازادى Egemen.kz.
وزبەكستان قازاقستاندىق ازاماتتار ءۇشىن ىشكى قۇجات نەمەسە ID-كارتا, ال بالالار ءۇشىن كيندەر-پاسپورت بويىنشا 30 كۇنگە دەيىنگى مەرزىمگە كەلۋ مۇمكىندىگىن قاراستىرادى. وسىعان ۇقساس شارالاردى رەسەي مەن ازەربايجان ازاماتتارى ءۇشىن ەنگىزۋ ۇسىنىلادى.
مۇنداي تاپسىرما پرەزيدەنت شاۆكات ميرزيوەۆتىڭ 15 مامىرداعى ەلگە تۋريستەر اعىنىن تۇبەگەيلى ۇلعايتۋ تۋرالى جارلىعىندا كورسەتىلگەن. وزبەكستان Iشكi iستەر مينيسترلiگi ءۇش اي مەرزiم iشiندە اتالعان ءۇش ەلمەن كەلiسسوزدەردi باستاۋى تيiس. وزبەكستان ID-كارتا ارقىلى شەكارادان ءوتۋ ءتارتىبىن ورناتقان العاشقى ەل قىرعىزستان بولدى. بۇل 2023 جىلى جۇزەگە استى.
قازاقستان ازاماتتارى ءۇشىن وزبەكستانعا ساپارلار ەكى ەل اراسىنداعى ۆيزاسىز رەجيمنىڭ ارقاسىندا ايتارلىقتاي جەڭىلدەتىلگەن. قازاقستاندىقتار وزبەكستان اۋماعىندا 30 كۇنگە دەيىن ۆيزاسىز بولا الادى. كىرۋ ءۇشىن وزىڭىزبەن بىرگە قولدانىستاعى پاسپورتتىڭ بولۋى جەتكىلىكتى.
الايدا 30 كۇننەن استام بولۋدى جوسپارلاعان كەزدە ساپاردىڭ ماقساتىن راستايتىن ءتيىستى قۇجاتتاردى ۇسىنا وتىرىپ, ۆيزانى وزبەكستان ەلشىلىگى نەمەسە كونسۋلدىعى ارقىلى رەسىمدەۋ قاجەت.