تاياۋدا گەرمانيانىڭ فرانكفۋرت-نا-ماين قالاسىندا اقمولا وبلىسىنىڭ ەتنو-فولكلورلىق «وردا» ءانسامبلىنىڭ كونتسەرتى وتەدى.
«وردا» ەتنو-ءانسامبلى – اقمولا وبلىستىق ۇكىلى ىبىراي اتىنداعى فيلارمونياسى جانىنان 2024 جىلى قۇرىلعان جاڭا شىعارماشىلىق ۇجىم. ءانسامبلدىڭ باستى ماقساتى – قازاقتىڭ مۋزىكالىق مۇراسىن زاماناۋي وڭدەۋدە كەڭىنەن ناسيحاتتاۋ. ۇجىم قۇرامىندا ءداستۇرلى جانە قازىرگى زامانعى مۋزىكالىق اسپاپتاردا شەبەر وينايتىن جەتى دارىندى مۋلتينسترۋمەنتاليست ونەرپاز بار.
فرانكفۋرت قالاسىنداعى بۇل كونتسەرت – ءانسامبلدىڭ العاشقى اۋقىمدى حالىقارالىق گاسترولدىك جوباسى بولماق. شارا بارىسىندا قازاقتىڭ حالىق اۋەندەرى مەن نەمىس ساحناسىنىڭ نازىك ەستەتيكاسى ۇيلەسىم تاۋىپ, كورەرمەندەرگە وزگەشە مۋزىكالىق ساپار ۇسىنادى.
كوكشەتاۋ.