بيىل اتىراۋ وبلىسىندا 134 مىڭ 812 وقۋشىنى دەمالىسپەن قامتۋ جوسپارلانىپ وتىر. بۇل – وقۋشىلاردىڭ جالپى سانىنىڭ 93 پايىزى.
اتىراۋ وبلىسى اكىمدىگىنىڭ مالىمەتىنە سۇيەنسەك, بالالاردىڭ جازعى دەمالىسىنا جەرگىلىكتى بيۋدجەتتەن 619,5 ملن تەڭگە بولىنگەن.
«بيىل وقۋشىلار 3 ساۋىقتىرۋ لاگەرىنە دەمالۋعا جىبەرۋ كوزدەلىپ وتىر. ونىڭ ءبىرى – رەسەي فەدەراتسياسىنىڭ جەلەزنوۆودسك قالاسىنداعى «قازاقستان گەولوگى» ەمدەۋ پانسيوناتى. وندا ارنايى ساناتتاعى وتباسىلاردان 1530 بالا دەمالادى. ال يندەر مەن ماحامبەت اۋدانىنداعى لاگەرلەرگە 1500-گە وقۋشى جىبەرىلەدى», دەيدى ءبىلىم باسقارماسىنىڭ وكىلى قادىرجان ساپاروۆ.
ونىڭ ايتۋىنشا, الەۋمەتتىك تۇرمىسى تومەن وتابسىلارداعى بالالار دا نازاردان تىس قالمايدى.
«جەتىم, اتا-انا قامقورلىعىنسىز قالعان, ارنايى ساناتتاعى جانە قولايسىز وتباسىلارداعى, قۇقىق قورعاۋ ورگاندارىنىڭ ەسەبىندە تۇرعان بالالار جازعى دەمالىسپەن تولىقتاي قامتىلماق. جاز مەزگىلىندە وبلىستاعى بارلىق مۋزەي ارنايى ساناتتاعى بالالار ءۇشىن تەگىن قىزمەت كورسەتەدى. رەسپۋبليكالىق بيۋدجەت ەسەبىنەن 4 لاگەرگە 608 بالانى, جەرگىلىكتى بيۋدجەت تاراپىنان 100-دەن استام وقۋشىنى ەلىمىزدىڭ ساكرالدى, تاريحي, كورىكتى مەكەندەرىنە ەكسكۋرسياعا جىبەرۋ ۇيىمداستىرىلادى», دەپ مالىمدەدى قادىرجان ساپاروۆ.
اتىراۋ وبلىسى