قازاقستاندا جەر قويناۋىن پايدالانۋعا قاتىستى مالىمەتتەردى تسيفرلىق فورماتقا كوشىرۋ جۇمىستارى جالعاسىپ جاتىر. بۇل باستاما جەر قويناۋىن بارلاۋ مەن يگەرۋدە اشىقتىقتى ارتتىرىپ, ينۆەستيتسيالىق تارتىمدىلىقتى كۇشەيتۋدى كوزدەيدى, دەپ جازادى Egemen.kz.
رەسمي مالىمەتكە سۇيەنسەك, 2024 جىلدىڭ سوڭىنا دەيىن گەولوگيالىق دەرەكتەردىڭ 1 905 976 بىرلىگى ساندىق فورماتقا كوشىرىلگەن. ولاردىڭ قاتارىندا قاعاز قۇجاتتار, گرافيكالىق ماتەريالدار, ماگنيتتىك تاسپالار مەن كارتريدجدەر بار. بۇل جالپى مالىمەت كولەمىنىڭ 42 پايىزىنا تەڭ. ايتا كەتەرلىگى, بۇل كورسەتكىش وتكەن جىلمەن سالىستىرعاندا ەكى ەسەدەن ارتىق ءوسىمدى كورسەتىپ وتىر.
2023-2024 جىلدار ارالىعىندا تسيفرلاندىرىلعان گەولوگيالىق اقپاراتتىڭ نەگىزگى كورسەتكىشتەرى مىناداي:
جالپى 2,7 ميلليوننان استام بىرلىك اقپارات ساندىق جۇيەگە اۋىستىرىلدى; ونىڭ ىشىندە 2,47 ميلليونعا جۋىق قاعاز جانە گرافيكالىق تاسىمالداعىشتار; 75 مىڭنان استام ماگنيتتىك تاسپا; 50 مىڭ كارتريدج.جوسپارعا سايكەس, 2025 جىلى قوسىمشا 1,2 ميلليون بىرلىك اقپاراتتى تسيفرلىق فورماتقا كوشىرۋ كوزدەلىپ وتىر. وسىلايشا, جالپى تسيفرلاندىرۋ ۇلەسى 86 پايىزعا دەيىن جەتپەك.
سالا ماماندارىنىڭ ايتۋىنشا, بۇل قادام گەولوگيالىق مالىمەتتەرگە قولجەتىمدىلىكتى ارتتىرىپ قانا قويماي, ەلىمىزدىڭ جەر قويناۋىن ءتيىمدى پايدالانۋعا سەرپىن بەرەدى.