20 مامىر كۇنى ساۋدا جانە ينتەگراتسيا مينيسترلىگىنىڭ تەحنيكالىق رەتتەۋ جانە مەترولوگيا كوميتەتى وزبەكستان رەسپۋبليكاسى مينيسترلەر كابينەتى جانىنداعى وزبەك تەحنيكالىق رەتتەۋ جونىندەگى اگەنتتىگىنىڭ دەلەگاتسياسىمەن رەسمي كەزدەسۋ وتكىزدى, دەپ جازادى Egemen.kz.
كەلىسسوزدەر شەڭبەرىندە تاراپتار تەحنيكالىق رەتتەۋ, ستاندارتتاۋ, سايكەستىكتى باعالاۋ جانە مەترولوگيا سالاسىنداعى ەكىجاقتى ءوزارا ءىس-قيمىلدىڭ نەگىزگى اسپەكتىلەرىن تالقىلادى. سايكەستىكتى باعالاۋ سالاسىنداعى ىنتىماقتاستىقتى دامىتۋ, ونىڭ ىشىندە ساۋداداعى تەحنيكالىق كەدەرگىلەر جانە سانيتاريالىق-فيتوسانيتاريالىق شارالار, سونداي-اق مەملەكەتتىك باقىلاۋ ماسەلەلەرى جونىندەگى اقپاراتتىق ورتالىقتىڭ جۇمىس ىستەۋىنە ەرەكشە نازار اۋدارىلدى.تالقىلاۋ ستاندارتتاۋ سالاسىنداعى, ونىڭ ىشىندە ۇلتتىق ستاندارتتاردى حالىقارالىق جانە وڭىرلىك نورماتيۆتەرمەن ۇيلەستىرۋ كونتەكستىندەگى ءوزارا ءىس-قيمىلدى تەرەڭدەتۋ پەرسپەكتيۆالارىن دا قامتىدى. تاراپتار تەحنيكالىق رەتتەۋ سالاسىنداعى قولدانىستاعى زاڭناما تۋرالى اقپارات الماستى. وسى سالاداعى قۇقىقتىق قامتاماسىز ەتۋدىڭ وزەكتى تاسىلدەرىن تالقىلادى جانە رەتتەۋشى تاجىريبەلەردى ودان ءارى جاقىنداستىرۋعا مۇددەلى ەكەنىن جەتكىزدى.
كەزدەسۋ ناتيجەسىندە «قازاقستاندىق ستاندارتتاۋ جانە مەترولوگيا ينستيتۋتى» رمك مەن «وزبەك عىلىمي سىناقتار جانە ساپانى باقىلاۋ ورتالىعى» مەملەكەتتىك مەكەمەسى اراسىنداعى سايكەستىكتى باعالاۋ سالاسىنداعى 2025-2026 جىلدارعا ارنالعان ەكىجاقتى ىنتىماقتاستىقتى دامىتۋ جونىندەگى قىزمەتتى ىسكە اسىرۋ جونىندەگى ءىس-شارالار جوسپارىنا قول قويىلدى. قۇجات ەكى تاراپتىڭ پراكتيكالىق ءوزارا ءىس-قيمىلدى تەرەڭدەتۋگە, ءبىلىم الماسۋعا جانە حالىقارالىق ستاندارتتارعا سايكەس ونىمدەر مەن قىزمەتتەردىڭ ساپاسىن ارتتىرۋدى كوزدەيدى.