بيىل قۇربان ايت مەرەكەسى 6 ماۋسىمعا سايكەس كەلەدى. الايدا ءدىني مەرەكەلەردىڭ ناقتى كۇندەرى جاڭا ايدىڭ كورىنۋىنە بايلانىستى كورسەتىلگەن ۋاقىتتان ءبىر كۇن شەگەرىلۋى نەمەسە العا جىلجۋى مۇمكىن ەكەنىن ەسكەرۋ قاجەت, دەپ حابارلايدى Egemen.kz.
وسىلايشا ەل ازاماتتارى ماۋسىم ايىندا 10 كۇن دەمالادى. سەنبى-جەكسەنبىدەن بولەك, قۇربان ايتتىڭ العاشقى كۇنىندە دەمالادى.
بەس كۇندىك جۇمىس اپتاسى — 6, 7 جانە 8 ماۋسىم دەمالىس كۇندەرى بولادى; التى كۇندىك جۇمىس ءاپتاسى ۇشىن — 6 جانە 8 ماۋسىم دەمالىس, ال 7 ماۋسىم جۇمىس كۇنى. مدب مالىمەتىنشە, قۇربان ايت نامازىنان كەيىن ءۇش كۇن ىشىندە جاعدايى كەلگەن مۇسىلمانعا قۇرباندىق شالۋ مىندەت بولىپ سانالادى.قۇربان ايت — يسلام دىنىندەگى ەڭ ماڭىزدى ءدىني مەيرامداردىڭ ءبىرى. ءول زۇل-حيججا ايىنىڭ 10-شى كۇنى باستالىپ, ءۇش كۇنگە سوزىلادى. بۇل مەيرام مەككەدەگى قاجىلىقتىڭ اياقتالۋىنا سايكەس كەلەدى جانە مۇسىلماندار ءۇشىن ۇلكەن رۋحاني مانگە يە.