قاسىم-جومارت توقاەۆ نيكۋشور داندى رۋمىنيا پرەزيدەنتى لاۋازىمىنا سايلانۋىمەن قۇتتىقتادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«بۇل جەڭىسىڭىز – حالقىڭىزدىڭ سىزگە جانە رۋمىنيانىڭ دامۋىن باياندى ەتۋگە باعىتتالعان ماڭىزدى جوسپارلارىڭىزعا كورسەتكەن قولداۋى مەن سەنىمىنىڭ ايقىن دالەلى دەپ بىلەمىن. بىرلەسكەن كۇش-جىگەرىمىزدىڭ ارقاسىندا استانا مەن بۋحارەست اراسىندا قالىپتاسقان ءداستۇرلى دوستىق پەن ءوزارا ءتيىمدى ىنتىماقتاستىق الداعى ۋاقىتتا دا نىعايا تۇسەتىنىنە ءۇمىتىم زور», دەلىنگەن جەدەلحاتتا.