الاكولگە اۋە بيلەتتەرىنىڭ باعاسى ارزاندادى

تەمىرجول: 13 باعىتتا جۇرەدى

بيىلعى ماۋسىمدا الاكول كۋرورتتىق ايماعىنا 13 تەمىرجول باعىتى بويىنشا جەتۋگە بولادى. ونىڭ تورتەۋى – جىل بويى قاتىنايتىن تۇراقتى باعىتتار بولسا, قالعان توعىزى – جازعى ماۋسىمعا ارنايى قوسىلعان قوسىمشا پويىزدار.

الماتىدان الاكولگە:

№207/208 «الماتى-2 – جالاڭاشكول» (اپتاسىنا 2 رەت), №221/222 «الماتى-2 – دوستىق» (اپتاسىنا 3 رەت), №211/212 «الماتى-2 – دوستىق» (ماۋسىم–شىلدەدە جۇپ, تامىزدا تاق كۇندەرى), №337/338 «الماتى-2 – دوستىق» (اپتاسىنا 3 رەت), №21/6941/6942/22 «الماتى-1 – دوستىق» (جۇپ كۇندەرى).

استانادان الاكولگە:

№54/53 «نۇرلى جول – دوستىق» (اپتاسىنا 2 رەت), №254/253 «نۇرلى جول – دوستىق» (اپتاسىنا 2 رەت), №122/6942/6941/121 «نۇرلى جول – سەمەي» (جۇپ كۇندەرى).

باسقا وڭىرلەردەن:

№31/6942/6941/32 «پاۆلودار – دوستىق» (جۇپ كۇندەرى), №21/6942/6941/22 «قىزىلوردا – دوستىق» (تاق كۇندەرى), №457/458 «سەمەي – دوستىق» (تاق كۇندەرى), №459/460 «وسكەمەن – دوستىق» (تاق كۇندەرى), №6941/6942 «اقتوعاي – دوستىق» (كۇن سايىن).

اۋە رەيستەرى: ۇرجارعا – 14–16 مىڭ تەڭگەدەن

2025 جىلدىڭ 1 ماۋسىمىنان باستاپ SCAT اۋە كومپانياسى الاكولدىڭ ماڭىنداعى ءۇرجار اۋىلىنا سۋبسيديالانعان رەيستەردى ورىنداي باستايدى.

استانا – ءۇرجار باعىتى بويىنشا اپتاسىنا 6 رەيس ۇشادى. ءبىر باعىتتاعى بيلەت قۇنى – 16 مىڭ تەڭگە. الماتى – ءۇرجار رەيسى دە اپتاسىنا 6 رەت ورىندالادى, بيلەت قۇنى – 14 مىڭ تەڭگە.

سونداي-اق, ءۇشارال قالاسىنا دا سۋبسيديالاناتىن اۋە رەيستەرىن اشۋ ماسەلەسى قاراستىرىلىپ جاتىر.

 

اۆتوجول: الاكولگە دەيىنگى بارلىق جول جاڭارعان

كولگە اپاراتىن جول ينفراقۇرىلىمى دا تولىق جاڭارتىلدى.

جالپى ۇزىندىعى 768 شاقىرىم بولاتىن «تالدىقورعان – وسكەمەن» جولى تولىقتاي جاڭا اسفالتپەن جابدىقتالعان. جەتىسۋ وبلىسى جاعىنان: ءۇشارال ارقىلى ءوتىپ, 180 شاقىرىمدىق ء«ۇشارال – دوستىق» جولىمەن كولدىڭ وڭتۇستىك جاعالاۋىنا جەتۋگە بولادى. اباي وبلىسى جاعىنان: «تاسكەسكەن – باقتى» جولىمەن ماقانشى اۋىلىنا (133 كم), ودان ءارى «ماقانشى – جالاڭاشكول» باعىتى ارقىلى كولدىڭ سولتۇستىك جاعالاۋى قولجەتىمدى.

بارلىق باعىتتاعى رەسپۋبليكالىق ماڭىزى بار جولدارعا جاڭا اسفالتبەتون جابىندىسى توسەلگەن, بۇل جەكە كولىكپەن ساپار شەگەتىندەر ءۇشىن ۇلكەن جەڭىلدىك. سونىمەن الاكولگە بارۋ بۇرىنعىدان دا وڭاي ءارى قولجەتىمدى بولدى. تەمىرجول قاتىناسى كەڭەيىپ, اۋە بيلەتتەرى ارزانداپ, جولدار جاقساردى. جازعى دەمالىسىن ەل ىشىندە وتكىزۋدى جوسپارلاعان قازاقستاندىقتار ءۇشىن الاكول بيىل دا نەگىزگى باعىتتاردىڭ ءبىرى بولماق.