ەكولوگيا جانە تابيعي رەسۋرستار ءمينيسترىنىڭ ورىنباسارى جومارت اليەۆتىڭ دەرەگىنە سۇيەنسەك, اتىراۋ وبلىسىندا لاستاۋشى زاتتار شىعارىندىلارىنىڭ كولەمى 232 مىڭ 163 توننانى قۇرايدى.
«قورشاعان اۋانىڭ تازالىعىنا كەرى اسەر ەتەتىن شىعارىندىلاردىڭ 90 پايىزى كاسىپورىنداردىڭ ۇلەسىنە تيەدى. نەگىزگى ۇلەستى مۇناي-گاز سەكتورىنىڭ 4 كاسىپورنى قوسادى. شىعارىندىلارعا باقىلاۋ جۇرگىزۋ ءۇشىن اۆتوماتتاندىرىلعان مونيتورينگ جۇيەسى ەنگىزىلدى. وسى كەزگە دەيىن اتىراۋ مۇناي وڭدەۋ زاۋىتى, «اتىراۋ جىلۋ-ەلەكتر ورتالىعى» اق, «NCOC N.V.» فيليالى مەن «تەڭىزشەۆرويل» جشس مونيتورينگ دەرەكتەرىن بەرىپ وتىر, دەدى جومارت اليەۆ.
مينيستر ورىنباسارىنىڭ ايتۋىنا قاراعاندا, تۇرعىنداردى زاڭسىز قوقىس ورىندارى الاڭداتىپ وتىر.
«ايماقتاعى تاعى ءبىر ەلەۋلى ماسەلەنىڭ ءبىرى – رۇقسات ەتىلمەگەن قوقىس ورىندارى. ماسەلەن, 2024 جىلى عارىشتىق مونيتورينگ ارقىلى 168 زاڭسىز قوقىس ءۇيىندىسى انىقتالدى. وسى كەزگە دەيىن 125 ءۇيىندى تازالاندى», دەپ ءمالىم ەتتى جومارت اليەۆ.
اتىراۋ وبلىسى