كۇرە جولعا شىعىپ كەتكەن مال تالاي اپاتتىڭ سەبەبى بولىپ وتىرعانى جاسىرىن ەمەس. جىل باسىنان بەرى وبلىس اۋماعىندا وسىنداي سەبەپپەن 10 جول-كولىك وقيعاسى تىركەلىپ, 2 ادام ءتۇرلى جاراقات الىپتى.
قىزىلوردا وبلىسى پوليتسيا دەپارتامەنتىنىڭ قىزمەتكەرلەرى وبلىس جولدارىندا وسىندا وقيعالاردىڭ الدىن الاتىن پروفيلاكتيكالىق جۇمىستار جۇرگىزىپ جاتىر. وبلىستىق ءماسليحاتتىڭ 2020 جىلعى 21 قازانداعى № 473 شەشىمىنە سايكەس وڭىردە مال جايۋ قاعيدالارىن بەكىتۋ تۋرالى ەرەجە ازىرلەنگەن. وسى ەرەجە مەن قر اكىمشىلىك قۇقىق بۇزۋشىلىقتار تۋرالى كودەكسىنىڭ 408-بابى تالاپتارىنا سايكەس پوليتسەيلەر قاراۋسىز جايىلىپ مال يەلەرىنە قاتىستى اكىمشىلىك جازالار قولدانىپ جاتىر. جىل باسىنان بەرى 313 مال يەسى جاۋاپكەرشىلىككە تارتىلىپتى.
پوليتسەيلەر اسىرەسە كۇرە جولدىڭ بويىنا باسا نازار اۋدارىپ وتىر. ارنايى وتكەلدەردەن بولەك اۆتوموبيل جولدارى ارقىلى مال ايداپ وتكەندەرگە اكىمشىلىك جاۋاپكەرشىلىككە تارتىلاتىندىعىن ەسكەرتىپ كەلەدى. كولىك جۇرگىزۋشىلەرى دە تۇندە ەلدى مەكەندەر جانىنان وتكەندە قىراعىلىقتى كۇشەيتىپ, جىلدامدىق رەجيمىن ساقتاۋى قاجەت.