2024-2025 وقۋ جىلىندا ورتا ءبىلىم بەرۋ ۇيىمدارىنداعى پەداگوگتەر سانى 412 مىڭعا جەتكەن. بۇل وتكەن جىلمەن سالىستىرعاندا 14 مىڭعا كوپ. وقۋ-اعارتۋ مينيسترلىگى وسىلايشا, قازاقستان مەكتەپتەرىندە پەداگوگ تاپشىلىعى جويىلعانىن مالىمدەدى, دەپ جازادى Egemen.kz.
«پەداگوگتار سانىنىڭ ارتۋى ەلىمىزدىڭ ورتا ءبىلىم بەرۋ جۇيەسىندەگى كادر تاپشىلىعىن جويۋعا مۇمكىندىك بەردى. بۇگىندە ەلىمىزدەگى مۇعالىمدەردىڭ 73%-ى جوعارى بىلىكتىلىك ساناتىنا يە. بۇل - كاسىبيلىك پەن ءبىلىم ساپاسىنىڭ ماڭىزدى كورسەتكىشى», دەدى وقۋ-اعارتۋ مينيسترلىگىنىڭ رەسمي وكىلى مەرەكە امانگەلدىقىزى.
پرەزيدەنتتىڭ باستاماسىمەن بيىل العاش رەت بىردەن ەكى مۇعالىمگە «ەڭبەك ەرى» اتاعى بەرىلگەن. تاعى 36 مۇعالىم مەملەكەتتىك ناگرادالارمەن ماراپاتتالىپ, 64-ءى «ۇزدىك پەداگوگ» دەپ تانىلعان. ولاردىڭ بارلىعى مەملەكەتتەن 1000 ايلىق ەسەپتىك كورسەتكىش مولشەرىندە 3,5 ميلليون تەڭگەدەن استام سىياقى العان.