الماتىنىڭ يندۋستريالدى ايماعىندا ءۇش بىردەي جاڭا زاۋىت ىسكە قوسىلدى

سونىمەن ءدال وسى كۇندەرى الماتىنىڭ يندۋستريالدى ايماعىندا ءۇش بىردەي جاڭا زاۋىت پايدالانۋعا بەرىلگەندىكتەن, ايتۋلى وقيعاعا وراي وسى اپتادا باق وكىلدەرى جۇمىسى قىزا باستاعان جاڭا ءوندىرىس ورىندارىنا بارىپ, رادياتور, كابەل, كوسمەتيكالىق ونىمدەر شىعاراتىن كومپانيالاردىڭ قىزمەتىمەن تانىستى.

«Valtherm» جشس اليۋميني جانە بيمەتالل جىلىتۋ رادياتورلارىن شىعاراتىن زاۋىتقا سالىنعان ينۆەستيتسيا كولەمى 10 ملرد تەڭگەدەن اسادى. بۇگىنگى تاڭدا زاۋىتتا بەس قۇيۋ ماشيناسى ورناتىلعان, كۇن سايىن 10 مىڭعا دەيىن رادياتور بولىكتەرى شىعارىلادى. الداعى ۋاقىتتا كومپانيا قۇيۋ ماشينالارىنىڭ سانىن 12-گە دەيىن جەتكىزىپ, ءوندىرىس كولەمىن جىلىنا 15 ميلليون سەكتسياعا دەيىن ۇلعايتۋدى كوزدەپ وتىر. كاسىپورىندا اۆتوموبيلگە ۇقساس انافورەزدى بوياۋ تەحنولوگياسى قولدانىلادى, ول بەرىك ءارى توت باسۋدان قورعايدى. جانە بۇل تەحنولوگيا رادياتورلاردىڭ سىرتقى ءتۇرى مەن قاسيەتتەرىن 20 جىل بويى ساقتاۋعا مۇمكىندىك بەرەدى.

سول سياقتى 2024 جىلعى جەلتوقساندا يندۋستريالىق ايماقتا كابەلدىك-وتكىزگىش ونىمدەرىن شىعارۋعا ماماندانعان «Harmony Cable» جشس كاسىپورنى جۇمىسىن باستادى. جوباعا سالىنعان ينۆەستيتسيا كولەمى شامامەن 2 ملرد تەڭگە. ءوندىرىستى ىسكە قوسۋ ناتيجەسىندە 50 جۇمىس ورنى قۇرىلدى. قۋاتتىلىق ايىنا 100 تونناعا دەيىن مىس وڭدەۋگە جانە جىلىنا 8 ملرد تەڭگەدەن استام سوماعا 21 600 ملن مەترگە دەيىن كابەل مەن سىم شىعارۋعا مۇمكىندىك بەرەدى.

بۇگىنگى تاڭدا كاسىپورىن قازاقستاندىق قۇرىلىس كومپانيالارىمەن جانە ەلەكتر تاۋارلارىن جەتكىزەتىن بولشەك ساۋدا ورىندارىمەن بەلسەندى جۇمىس ىستەيدى. ءونىمنىڭ نەگىزگى كولەمى ەل ىشىندە ساتىلادى, الايدا كومپانيا قىرعىزستان مەن تاجىكستانعا ەكسپورتقا شىعىپ, ەۋروپا ەلدەرىنە جەتكىزىلىمدەردى كەڭەيتۋدى جوسپارلاپ وتىر.

ء«بىز بالقاشتان ساتىپ الىناتىن قازاقستاندىق مىستان كابەل شىعارامىز. قايتا وڭدەۋ كولەمى جىلىنا 1200 تونناعا جەتەدى. قازىر ءبىز كاتانكادان  سىم ءوندىرۋ جەلىسىن ىسكە قوسىپ, كابەلدەرگە ارنالعان پلاستيكات – وقشاۋلاعىش ماتەريال ءوندىرۋ قۋاتىن كەڭەيتىپ جاتىرمىز», دەدى «Harmony Cable» جشس كوممەرتسيالىق ديرەكتورى ءمادي مۇحان ۇلى.

بۇگىندە قازاقستان مىسى كوبىنەسە تۇركياعا, سول جەردەن ەۋروپاعا ەكسپورتتالادى. كومپانيانىڭ ماقساتى-ارالىق تىزبەكتەردى اينالىپ ءوتىپ, ەۋروپالىق نارىققا شىعۋ.

كوسمەتيكالىق ونىمدەر مەن تۇرمىستىق حيميا وندىرىسىنە ماماندانعان «Telli Ondiris» جشس زاۋىتى 2024 جىلدىڭ قاڭتار ايىنان باستاپ جۇمىس ىستەيدى. جوبانىڭ قۇنى 3 ملرد تەڭگەنى قۇرادى, ونىڭ 465 ملن تەڭگەسى — «الماتى قارجى» جشس كرەديتتىك قارجىلاندىرۋ. كاسىپورىن اۋماعىندا وندىرىستىك جانە قويما ءۇي-جايلارى, سونداي-اق اككرەديتتەلگەن زەرتحانا ورنالاسقان.

كوسمەتيكالىق وندىرىستە 49 جۇمىس ورنى قۇرىلدى. قۋاتتىلىعى جىلىنا 30 ملن بىرلىككە دەيىن كوسمەتيكا شىعارۋعا مۇمكىندىك بەرەدى. جۇمىستىڭ العاشقى 10 ايىندا 380 مىڭنان استام بىرلىك شىعارىلدى, ونىڭ ىشىندە سۋسابىندار, كونديتسيونەر بالزامدارى, دۋشقا ارنالعان گەلدەر, سۇيىق سابىندار, لوسوندار, تونيكتەر جانە ميتسەلليارلىق سۋ. ونىمدەر ءوز برەندتەرىمەن (Asiya, Telli, Asia Professional), سونداي-اق ءىرى قازاقستاندىق ساتۋشىلار ءۇشىن كەلىسىمشارت بويىنشا وندىرىلەدى. زاۋىت جاڭا ەكسپورتتىق نارىقتارعا شىعۋعا مۇمكىندىك بەرەتىن GMP ستاندارتىنىڭ فارماتسەۆتيكالىق تالاپتارىنا سايكەس سالىنعان.

ء«بىز كەلىسىمشارتتىق ءوندىرىس رەتىندە – ونىمدەرىمىزدى كليەنتتىڭ ءوز برەندىمەن شىعارامىز. وعان قوسا ءوز برەندتەرىمىزدى دامىتامىز, ولاردىڭ قۇرامىندا 95% تابيعي كومپونەنت بار. ءبىز جەرگىلىكتى شوپتەردى قولدانامىز, سىعىندىلاردى ءوز ەكستراكتورىمىزدا دايىندايمىز جانە جاقىن ارادا اۆتورلىق شيكىزاتقا پاتەنتتەردى راسىمدەۋدى جوسپارلاپ وتىرمىز»,  دەيدى «Telli Ondiris» جشس ديرەكتورىنىڭ ورىنباسارى جاننا بايماعامبەتوۆا.

ءباسپاسوز تۋرى بارىسىندا الماتىنىڭ يندۋستريالىق ايماعى رەسپۋبليكالىق ماڭىزى بار جەتەكشى وندىرىستىك الاڭداردىڭ ءبىرى بولىپ تابىلاتىنى اتاپ ءوتىلدى. ونىڭ اۋماعىندا جالپى سوماسى 142,1 ملرد. تەڭگەگە 41 جوبا ىسكە قوسىلىپ, 4 430 جۇمىس ورنى قۇرىلدى. ىسكە اسىرۋ ساتىسىندا 411,2 ملرد. تەڭگە سوماسىنا 66 جوبا بار, وندا 7 453 جۇمىس ورنى قۇرىلادى.

الماتى