نەسيەلىك سەرىكتەستىك باسشىسى ءوز باقىلاۋىنداعى شارۋا قوجالىعىنىڭ اتىنا 126,7 ملن تەڭگە كولەمىندە جەڭىلدەتىلگەن نەسيە راسىمدەپ, بۇل قاراجاتتى ءىرى قارا مال ساتىپ الماي-اق قولما-قول اقشاعا اينالدىرعان, دەپ حابارلايدى Egemen.kz.
بقو بويىنشا قارجىلىق مونيتورينگ اگەنتتىگىنىڭ دەپارتامەنتى «اگروبيزنەس» باعدارلاماسى اياسىندا مەملەكەت بولگەن قاراجاتتى جىمقىرۋ فاكتىسى بويىنشا تەرگەۋدى اياقتاعان.
سونىمەن قاتار, ول مال شارۋاشىلىعىنىڭ اقپاراتتىق جۇيەسىنە جالعان مالىمەتتەر ەنگىزىپ, 2017–2021 جىلدارعا ارنالعان اگروونەركاسىپتىك كەشەندى دامىتۋ جونىندەگى ۇلتتىق جوبا اياسىندا 24 ملن تەڭگە كولەمىندەگى سۋبسيديانى زاڭسىز تۇردە يەمدەنگەن. سۋبسيديا الۋدىڭ زاڭدىلىعىن كورسەتۋ ماقساتىندا ول باسقا شارۋاشىلىقتاردان اسىل تۇقىمدى مال ساتىپ الىنعانى جونىندە جالعان قۇجاتتار تاپسىرعان.
انىقتالعانداي, كۇدىكتى قىلمىستىق جولمەن تاپقان قاراجاتقا جەر تەلىمدەرىن ساتىپ الىپ, ونىڭ بىرىندە ساۋدا ءۇيى مەن ساۋنا سالعان. بۇل م ۇلىكتى جاسىرۋ ءۇشىن ول نىسانداردى جاقىن تۋىسىنىڭ اتىنا راسىمدەگەن.
«سوت سانكتسياسىمەن جالپى قۇنى 198 ملن تەڭگە بولاتىن م ۇلىككە — 2 جەر تەلىمىنە, ساۋدا ۇيىنە, ساۋناعا جانە «Exeed LX» ماركالى اۆتوكولىككە — تىيىم سالىندى. كۇدىكتىگە قاتىستى بۇلتارتپاۋ شاراسى رەتىندە قاماۋعا الۋ قولدانىلدى», دەلىنگەن حابارلامادا.