بۇگىن تۇركىستان قالاسىندا «زامان مەن مادەنيەت ديالوگىنداعى ياساۋي مۇراسى: گۋمانيستىك باعىت-باعدار مەن زاماناۋي سىن-قاتەرلەر» اتتى حالىقارالىق سيمپوزيۋم ءوز جۇمىسىن باستادى. ءىس-شارانىڭ اشىلۋ راسىمىنە قازاقستان رەسپۋبليكاسىنىڭ مەملەكەتتىك كەڭەسشىسى ەرلان قارين قاتىستى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
سيمپوزيۋم مەملەكەت باسشىسى قاسىم-جومارت توقاەۆتىڭ باستاماسىمەن ۇيىمداستىرىلىپ وتىر. پرەزيدەنت بۇل جونىندە ۇلتتىق قۇرىلتايدىڭ اتىراۋدا وتكەن ءۇشىنشى وتىرىسىندا ايتىپ, قوجا احمەت ياساۋي مۇراسىن تەرەڭ زەرتتەپ, حالىقارالىق دەڭگەيدە ناسيحاتتاۋ قاجەتتىگىن اتاپ وتكەن بولاتىن.
جيىندا ەرلان قارين مەملەكەت باسشىسىنىڭ سيمپوزيۋم قاتىسۋشىلارىنا ارناعان قۇتتىقتاۋ حاتىن وقىپ, سيمپوزيۋمنىڭ ياساۋي يدەيالارىنىڭ زاماناۋي ءمانى مەن رۋحاني مۇراسىن جاڭاشا تانۋعا جول اشاتىنىن ايتتى.
حالىقارالىق شاراعا قازاقستانمەن قاتار ازەربايجان, گەرمانيا, ءۇندىستان, يران, يتاليا, قىرعىزستان, رەسەي, اقش, تاجىكستان, تۇرىكمەنستان, تۇركيا, وزبەكستان جانە جاپونيا ەلدەرىنەن كەلگەن جۇزگە جۋىق عالىم قاتىسىپ جاتىر. ولار سيمپوزيۋم اياسىندا ياساۋي مۇراسىنىڭ ءتۇرلى اسپەكتىلەرىنە ارنالعان باياندامالار جاساپ, ءوزارا تاجىريبە الماسادى.
تاقىرىپتىق سەكتسيالار بارىسىندا ياساۋي دۇنيەتانىمىنىڭ قازىرگى زامانمەن بايلانىسى, ونىڭ گۋمانيستىك ۇستانىمدارى مەن جاھاندىق رۋحاني كەڭىستىككە ىقپالى تەرەڭ تالقىلانادى.