ءبىرجان سال اۋدانىندا كاسىپكەرلەردەن 250 قۇتى ىشىمدىك تاركىلەندى. الكوگولدىك ونىمدەر ىلەسپە قوسىمشا قۇجاتتارسىز ساتىلعان.
مەملەكەتتىك كىرىستەر دەپارتامەنتىنىڭ قىزمەتكەرلەرى رايگورودوك جانە نيكولاەۆكا ەلدى مەكەندەرىندە 40,5 ليتر ەسەپتى-باقىلاۋ تاڭباسى جوق الكوگول ءونىمى, 2000 ليتر ديزەل وتىنى, الپىس قوراپتان استام تەمەكى تاركىلەدى. ءتيىستى ماتەريالدار اۋداندىق سوتقا جىبەرىلمەك. اكتسيزدەلىنەتىن تاۋارلاردىڭ اينالىمى سايكەستەندىرۋ قۇرالدارىمەن تاڭبالانۋعا ءتيىستى. سونىمەن بىرگە, تاۋادىڭ ىلەسپە قوسىمشا قۇجاتتارى بولۋى شارت.
– ءبىز ءوز تاراپىمىزدان اكتسيزدەلەتىن تاۋارلاردىڭ زاڭسىز اينالىمى ەلەۋلى قۇقىق بۇزۋشىلىق ەكەنىن ەسكەرتەمىز, – دەيدى وبلىستىق مەملەكەتتىك كىرىستەر دەپارتامەنتىنىڭ باسقارما باسشىسى اينۇر ەلىكباەۆا, – قولدانىستاعى زاڭناماعا سايكەس قاتاڭ سانكتسيا قاراستىرىلعان. ءونىم تاركىلەنىپ, باس بوستاندىعىنان ايىرۋ جازاسى دا كوزدەلگەن.
زاڭسىز ونىمدەردىڭ جولى كەسىلسە, ءتارتىپ تە نىعايا تۇسەر ەدى.
اقمولا وبلىسى,
ءبىرجان سال اۋدانى.