برازيليانىڭ بەلۋ-وريزونتي قالاسىندا وتكەن 59-شى حالىقارالىق مەندەلەەۆ وليمپياداسىندا قازاقستاندىق وقۋشىلار توپ جاردى. 40 ەلدەن جينالعان ۇزدىك جاس حيميكتەر اراسىندا قازاقستان قۇراماسى جوعارى ناتيجە كورسەتىپ, بارلىعى 11 مەدال يەلەندى. وسىلايشا وقۋشىلار اقش, جاپونيا, قىتاي جانە ەۋروپانىڭ مىقتى قۇرامالارىن باسىپ وزدى, دەپ حابارلايدى Egemen.kz.
قۇراما 2024–2025 وقۋ جىلىنداعى رەسپۋبليكالىق حيميا وليمپياداسىنىڭ جەڭىمپازدارى اراسىنان ىرىكتەلگەن. بارلىق قاتىسۋشىلار جۇلدەگەر اتانىپ, قازاقستانداعى ءبىلىم بەرۋ جۇيەسىنىڭ, سونداي-اق دارىندى وقۋشىلارعا كورسەتىلەتىن قولداۋدىڭ جوعارى دەڭگەيىن پاش ەتتى.
بايقاۋدا ماڭعىستاۋ وبلىسىنداعى ء«بىلىم-يننوۆاتسيا» ليتسەيىنىڭ 10-سىنىپ وقۋشىسى مەڭدىعالي قالدىباي پراكتيكالىق كەزەڭدە ەڭ جوعارى ۇپاي جيناپ, «Award for the Best Score in the Practical Exam» ارنايى سىيلىعىنا يە بولدى.كۇمىس جۇلدە يەلەنگەندەر:
دانيار بازارباي – 11 سىنىپ وقۋشىسى, ء«بىلىم-يننوۆاتسيا» ليتسەيى, اقتوبە وبلىسى; مەڭدىعالي قالدىباي – 10 سىنىپ وقۋشىسى, ء«بىلىم-يننوۆاتسيا» ليتسەيى, ماڭعىستاۋ وبلىسى; اڭسار جاقسىلىقوۆ – 11 سىنىپ وقۋشىسى, ء«بىلىم-يننوۆاتسيا» ليتسەيى, اقتوبە وبلىسى; ارەن تەڭىزباەۆ – 10 سىنىپ وقۋشىسى, №9 ء«بىلىم-يننوۆاتسيا» ليتسەيى, قىزىلوردا وبلىسى; سانجار قالياقبار – 11 سىنىپ وقۋشىسى, ء«بىلىم-يننوۆاتسيا» ليتسەيى, قاراعاندى وبلىسى; قالي ءابىلمانسۇر – 10 سىنىپ وقۋشىسى, نازارباەۆا زياتكەرلىك مەكتەبى, استانا قالاسى; رايىمبەك عابدوللا – 11 سىنىپ وقۋشىسى, ء«بىلىم-يننوۆاتسيا» ليتسەيى, ماڭعىستاۋ وبلىسى.قولا جۇلدە يەلەنگەندەر:
ايزەرە جەڭىسحانوۆا – 10 سىنىپ وقۋشىسى, نازارباەۆ زياتكەرلىك مەكتەبى, وسكەمەن قالاسى; نۇرقوجا ۋمارباەۆ – 11 سىنىپ وقۋشىسى, ء«بىلىم-يننوۆاتسيا» ليتسەيى, ماڭعىستاۋ وبلىسى; ياروسلاۆا كراۆچۋك – 11 سىنىپ وقۋشىسى, №8 دارىندى بالالارعا ارنالعان مەكتەپ-ليتسەيى, پاۆلودار قالاسى; اليحان سەرىك ۇلى – 11 سىنىپ وقۋشىسى, «Haileybury Almaty» مەكتەبى, الماتى قالاسى.كوماندانىڭ جەتەكشىلەرى — باحىتجان ەلدانا جانە ازيم امانجولوۆ.ەستەرىڭىزگە سالا كەتەيىك, حالىقارالىق مەندەلەەۆ وليمپياداسى قازاقستان ۇلتتىق قۇراماسى ءۇشىن 2025 جىلدىڭ 5-14 شىلدە ارالىعىندا بىرىككەن اراب امىرلىكتەرىندە وتەتىن حيميادان حالىقارالىق وليمپياداعا (IChO) دايىندىقتىڭ ماڭىزدى كەزەڭى بولىپ سانالادى.