2025 جىلعى 9 مامىر كۇنى ساعات 21:00-دە الماتى قالاسىنداعى اباي الاڭىندا ۇلى جەڭىستىڭ 80 جىلدىعىنا وراي اۋقىمدى دروندار شوۋى ۇيىمداستىرىلادى. شوۋ الماتى قالاسى اكىمدىگىنىڭ قولداۋىمەن ۇيىمداستىرىلىپ وتىر, دەپ حابارلايدى Egemen.kz.
ءىس-شارا بارىسىندا 500-دەن استام درون قولدانىلىپ, ۇلى وتان سوعىسىنىڭ قاھارماندارى – مانشۇك مامەتوۆا, ءاليا مولداعۇلوۆا جانە باۋىرجان مومىش ۇلىنىڭ بەينەلەرى انيماتسيالىق تۇردە اسپاندا كورسەتىلەدى.
كورەرمەندەرگە درون-شوۋدى تاماشالاۋعا ارنالعان بىرنەشە الاڭدار دايىندالعان:
اباي الاڭى; «قازاقستان» قوناق ءۇيى ماڭى; Caspian University ماڭى; اباي داڭعىلى (نازارباەۆ پەن دوستىق كوشەلەرىنىڭ ارالىعى)وسىعان بايلانىستى 9 مامىر كۇنى ساعات 20:30-دان 21:30-عا دەيىن قالا ورتالىعىندا اۆتوكولىك قوزعالىسىنا ۋاقىتشا شەكتەۋ ەنگىزىلەدى. اباي داڭعىلىنىڭ نازارباەۆ داڭعىلىنان دوستىق داڭعىلىنا دەيىنگى بولىگى, سونداي-اق, دوستىق داڭعىلىنىڭ قۇرمانعازى كوشەسىنەن ساتباەۆ كوشەسىنە دەيىنگى ارالىعىندا جول جابىلادى.