2025 جىلعى 7 مامىر كۇنى, وتان قورعاۋشىلار كۇنى مەن ۇلى جەڭىستىڭ 80 جىلدىعىنا وراي, شىعىس قازاقستان وبلىسى ۇلان اۋدانىنىڭ قاسىم قايسەنوۆ اۋىلىندا « ۇلى جەڭىس: ەرلىككە تاعزىم, ۇرپاققا ۇلگى» اتتى پاتريوتتىق ءىس-شارا ءوتتى, دەپ حابارلايدى Egemen.kz.
ءىس-شارا بارىسىندا كەڭەس وداعىنىڭ باتىرى, اڭىزعا اينالعان پارتيزان قاسىم قايسەنوۆكە ارنالعان مۋرال كوپشىلىككە تانىستىرىلىپ, سوعىس جىلدارىنىڭ اندەرى شىرقالعان. جيىننىڭ رەسمي اشىلۋى مەملەكەتتىك گيمنمەن باستالىپ, وبلىس اكىمى نۇرىمبەت ساقتاعانوۆ قاتىسۋشىلاردى قۇتتىقتادى.
«ەسكەرتكىش ستەلا – ۇلى وتان سوعىسى مەن اۋعان سوعىسى ارداگەرلەرىنىڭ رۋحىنا دەگەن ماڭگىلىك تاعزىم. جاس ۇرپاق وسىنداي ەرلەردىڭ ەرلىگىنە قاراپ, وتانعا قىزمەت ەتۋدىڭ قادىرىن ءتۇسىنۋى ءتيىس. بۇگىنگى جاۋىنگەرلەر دە سول باتىرلاردىڭ جولىن لايىقتى جالعاستىرادى دەپ سەنەمىن», دەدى وبلىس باسشىسى.
وبلىستا ولاردىڭ ەسىمدەرىن ماڭگى ەستە قالدىرۋ بويىنشا بىرقاتار جۇمىستار اتقارىلىپ جاتىر. بيىلدىڭ وزىندە 6 ەسكەرتكىش جاڭارتىلىپ, قاسىم قايسەنوۆكە ارنالعان مۋرال سالىنعان.
شاراعا قاتىسقان حالىق قاھارمانىنىڭ ۇلى بولات قايسەنوۆ پەن اۋداندىق ارداگەرلەر كەڭەسىنىڭ توراعاسى ايمۇحامبەت باكيمباەۆتىڭ سوزدەرى جينالعان قاۋىمعا ەرەكشە اسەر ەتتى. جيىن ۇلى وتان سوعىسىندا قازا تاپقان جاۋىنگەرلەردى ءبىر مينۋت ۇنسىزدىكپەن ەسكە الۋمەن اياقتالعان.