استاناداعى «شاراپات» الەۋمەتتىك قىزمەت كورسەتۋ ورتالىعىندا «تازا قازاقستان» رەسپۋبليكالىق اكتسياسى جانە «تازا ءبىلىم ورداسى» اپتالىعى اياسىندا ەكولوگيالىق سەنبىلىك ۇيىمداستىرىلدى. يگى شارانى جاستار ساياساتى ماسەلەلەرى باسقارماسى AMANAT پارتياسىنىڭ «جاستار رۋحى» جاستار قاناتىنىڭ, قازاقستان حالقى اسسامبلەياسىنىڭ جانە «جاس سارباز» اسكەري-پاتريوتتىق قوزعالىسىنىڭ قولداۋىمەن وتكىزدى, دەپ حابارلايدى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.
ەكولوگيالىق سەنبىلىككە 50-گە جۋىق بەلسەندى جاس قاتىسقان. ولار تەك قالانى تازا ۇستاۋعا اتسالىسىپ قانا قويماي, قارتتارعا قامقورلىق تانىتىپ, ورتالىق اۋماعىندا قوقىستى جيناپ, كوگالداندىرۋ جانە اباتتاندىرۋ جۇمىستارىن جۇرگىزگەن.
شارا بارىسىندا جاستار قورشاعان ورتاعا دەگەن جاۋاپكەرشىلىكتى ارتتىرۋدىڭ ماڭىزىن ءىس جۇزىندە كورسەتتى.
ءىس-شارا بارىسىندا جاستار ساياساتى ماسەلەلەرى باسقارماسىنىڭ جەتەكشى مامانى الىبەك ءجۇسىپوۆ قاتىسۋشىلارعا ارناپ ءسوز سويلەدى. ول بۇل باستامانىڭ اعا بۋىن وكىلدەرىنە – ارداگەرلەر مەن تىل ەڭبەككەرلەرىنە قۇرمەت كورسەتۋگە باعىتتالعانىن اتادى.
«بۇل تەك سەنبىلىك ەمەس, اعا ۇرپاقتىڭ ەڭبەگىنە تاعزىم ەتۋ. كوكتەم باستالعالى بەرى مۇنداي اكتسيالار بىرنەشە مارتە ءوتتى. ءبىز تەك تازالىقپەن شەكتەلمەي, جاستاردىڭ تاريحقا دەگەن قۇرمەتىن وياتىپ, ولاردىڭ قوعامدىق كەڭىستىكتى جاقسارتۋعا دەگەن ىنتاسىن ارتتىرعىمىز كەلەدى» دەدى ول.
شارا ەلوردالىق جاستاردىڭ بەلسەندىلىگىن كورسەتىپ, ەكولوگيالىق مادەنيەتتى قالىپتاستىرۋعا باعىتتالعان ماڭىزدى باستاما رەتىندە ءوتتى.